الخسارة الاولية وصلات ل47 مليون دولار.. توضيح د "أكوا باور" من بعد الپان اللي وقعات فمشروع نور 3 فورزازات

شركة "أكوا باور" السعودية كانت دارت بيان للبورصة "تداول السعودية" قالت فيه انه ف 21 مارس 2024 وقع تسريب فخزان الأملاح المنصهرة، وحسب التحليل الأولي غادي توقف عمليات التشغيل لمشروع الطاقة الشمسية المركزة د ورزازات اللي سميتو محطة نور 3 للطاقة الشمسية المركزة (شركة مشروع نور 3)، بشكل قسري حتى نوفمبر 2024.
وخرجات الشركة بيان توضيحي على هاد الحادث، قالت فيه ان مشروع نور 3 هو واحد من المصانع الأربعة د مجمع نور ورزازات.
و مشروع نور 3 هو أكبر برج للطاقة الشمسية المركزة (CSP) كيخدم بكامل طاقتو فالعالم، وف2023، تجاوز توليده السنوي 420 جيجاوات فالساعة. وهادشي كيعادل طلب أكثر من 200 ألف أسرة في المغرب و325.476 طن من ثاني أكسيد الكربون ف2023.
ومن المهم الإشارة إلى أن القبول النهائي لمحطة نور 3 لم يتم منحه بعد وأن خزان الملح الساخن الحالي واجه مشكلة تسرب مما أدى إلى بدء أعمال الإصلاح.
دابا الشركة غادي تصلح الخزان الحالي دغيا لإعادة المحطة إلى العمل فأسرع وقت ممكن، وغادي تعزز موثوقية المحطة وكفاءتها، هادشي علاش غاتبني خزان جديد بتصميم محسّن غادي يعوض الخزان اللي تم إصلاحه، وغايكون فيه أحدث التقنيات.
التقديرات الأولية كتفيد بخسارة بقيمة 47 مليون دولار.