غياب جبران على الوداد ضد التواركة ولاعب اساسي رجع بعد غياب

رجع لاعب مهم فالوداد الرياضي للفريق بعدما بعداتو الاصابة فالماتشات اللي فاتو، وكيتعلق الامر بمنتصر الحتيمي، اللي حاضر اليوم السبت مع الواك ضد فريق اتحاد التواركة فتيران البشير، ضمن الدورة 23 من البطولة، وكاين مع لاليست الحمرا اللي اختار المدرب فوزي البنزتي.
وعيط التونسي فوزي البنزرتي على 20 لاعب لماتش الوداد الرياضي ضد فريق اتحاد التواركة، وكيتعلق الأمر بكل من لگول المطيع، ومفتاح، والمدافعين بوالفتح، فرحان، حركاس، العملود، گادارين، الشتي، وفوسط التيران كاين حيمود، دراوي، مومن، سرغات، زمراوي، بوناعمر.
أما فالهجوم كاين كاين كل من بوهرة، الحداد، اوناجم، الهوني، الحتيمي، أوگنيس، وكتعرف صفوف الوداد غياب كابيتان الفريق يحيى جبران بسبب التوقيف.