البنزرتي وجد 22 لاعب باش يدافعو على حظوظ الوداد فشومبيونزليك ضد گلاكسي ومعولين على الرباح

اختار التونسي فوزي البنزرتي مدرب الوداد الرياضي اللاعبين اللي غيحضرو ماتش الفريق ضد گلاكسي البوتسواني اليوم السبت فبوتساونا، ضمن الجولة 5 من دور مجموعات دوري أبطال افريقيا.
وقرر فوزي البنزرتي يكونفوكي فالماتش بين الوداد الرياضي وگلاكسي البوتسواني المصيري 22 لاعب، هم لگوال المطيع، مفتاح، بوبكر، والمدافعين بوالفتح، فرحان، حركاس، العملود، گدارين، بوشتة.
وفوسط التيران كاين حيمود، جبران، دراوي، محروس، مومن، سرغات، زمراوي، والهجوم فيه بوهرة، لحتيمي، الهوني، الحداد، اوناجم، أكونيس، وكتعرف صفوف الفريق غياب الجزائري إلياس الشتي اللي موعت، والموريتاني بونا عمر اللي ما عندوش الحق يلعب حيث فايت بدا هاد النسخة مع فريقو السابق نواذيبو الموريتاني.