اللاعبين الجداد للوداد حاضرين ضد الفتح والبنزرتي غايب وها لاليست

حدد التونسي فوزي البنزرتي مدرب الوداد الرياضي، اللاعبين اللي غيكونو حاضرين فماتش اليوم الاربعاء، ضد فريق الفتح الرياضي فتيران مولاي الحسن فالرباط، برسم الدورة 16 من البطولة الاحترافية، كتعرف لاليست تواجد اللاعبين الجداد.
المدرب فوزي البنزرتي اللي ما غيكونش فماتش الوداد ضد الفتح بسبب العقوبة الانضباطية، بعدما تطرد فاخر ماتش د الواك ضد الماص، قرر يعتمد على لائحة مكونة من الكوال المطيع وبوبكار، والمدافعين بوشتة، العملود، فرحان، گدارين، گزوي، حركاس.
وفوسط التيران كاين حيمود، جبران، محروس، مومن، سرغات، زمراوي، والمهاجمين بوهرة، الهوني، كوكولو، لحتيمي، أوناجم، أوگنوس، وكتعرف لاليست غياب الكول الثاني للواك مهدي مفتاح، والمدافع إلياس الشتي، وإسماعيل الحداد، مع العلم ان صفوف الواك عرفت تغييرات كثيرة فالميركاتور بحال زهير المترجي، وعطية الله وصامبو.