ها لاليس ديال الوداد ضد هافيا كوناكري وغيابات الفريق والحمرا معولة على التأهل

حدد عادل رمزي مدرب الوداد الرياضي اللاعبين اللي غيكونو فماتش الفريق غدا السبت ضد هافيا كوناكري الغيني، ضمن اياب دور 32 من عصبة الأبطال الأفريقية.
وعيط عادل لرمزي ل 23 لاعب باش يكونو مع الوداد الرياضي ضد هافيا كوناكري الغيني، وهم الكوال المطيع، مفتاح، بوبكر، والمدافعين زولا، العملود، عطية الله، الركراكي، بوالفتح، فرحان، الشتي ووسط التيران فيه جبران، دراوي، ايت برايم، محروس، سرغات، حيمود، والهجوم بوسفيان، الهوني، بوهرة، البحري، صامبو، أوناجم.
وكيغيب على الوداد الرياضي أمام هافيا كوناكري كل من جمال حركاس وسفيان أحناش اللي غيكونو مكونفوكين مع الفريق فعصبة ابطال أفريقيا ابتداء من دور المجموعات، وزهير المترجي اللي ما كيعيطش له المدرب عادل رمزي حيث كاعي عليه.
فالوداد الرياضي سالاو الاستعدادات ديالهم لمواجهة هافيا كوناكري بحصة تدريبية مسائية مسدودة اليوم الجمعة فتيران بنجلون، وكانت فيها الاجواء زوينة والمورال طالع والتركيز كبير وسط اللاعبين اللي باغيين يتأهلو لدور المجموعات باش الحمرا تواصل البحث على لقبها الرابع فعصبة الأبطال.