ليسبيان وعاد ولدات هي وصاحبتها.. الفرنسية المغربية سارة الحايري اللي تنومينات وزيرة العائلة هي أول وزيرة ففرنسا كتكشف على مثليتها الجنسية

السيمانة اللي فاتت، الوزير الاول الفرنساوي گابرييل اتال، نومينا سارة الحايري ، وزيرة منتدبة للأطفال والشباب والأسرة، ، هي أول وزيرة غاتهدر علانية على مثليتها الجنسية ففرنسا.
الحايري، ليسبيان، وفعلاقة مع امرأة، وهي وياها ولدو بنيتة فديسومبر اللي فات.
وبغض النظر على التطلعات السياسية ديالها وخدمتها، هاد الجانب الخفي كان دار ضجة، وفإشارة لخطورة الشبكات الاجتماعية ، كانت قالت سارة الحايرط أنها "كتحاول متقراش التعليقات حيث كتقول ان تويتر ماشي واقع".
و الوزيرة كانت هضرات فمقابلة على المغرب وحبها ليه وقالت ، :"أنا فرنسية -مغربية ، خديت الباك فالرباط واختاريت ننخرط فالسياسة ففرنسا، بداية فمدينتي نانت ، على المستوى الوطني كنائبة، واليوم فالحكومة، وأضافت: المغرب بزاف ، البلاد اللي تزاديت فيه ومكنكرش تاريخي.