الوفد الإعلامي المغربي فكوب دافريك تعرض للاستفزاز من الصحافيين الكونكوليين والمغاربة حبسو الصداع بالعقل

تعرض الوفد الإعلامي المغربي المرافق للمنتخب الوطني فكوب دافريك، للاعتداء فماتش الأسود والكونگو الديمقراطية أمس الأحد، فالدورة الثالثة من دور مجموعات كاس إفريقيا.
وتعداو صحافيين كونگوليين على عدد من الصحافيين المغاربة فمنصة الصحافة فتيران سانبيدرو ملي سالا الماتش بين المنتخب المغربي ومنتخب الكونگو الديمقراطية، بحيث أن الصحافيين الكونگوليين بداو كيستفزو الصحافيين المغاربة وكيعايروهم بألفاظ نابية، وهذا الشي كان غيولي مضاربة، لكن لحسن الحظ تدخلو صحاب لعقل من الوفد الإعلامي المغربي اللي طفا العافية، واخا الكونگوليين بغاو يزيدو يشعلوها ويحول منصة الإعلاميين لحلبة ديال الكاتش.
وفنفس الوقت، تعرض المنتخب المغربي للاستفزاز من طرف لاعبين المنتخب الكونكولي، ومن بينهم اللاعب ديالهم مبيمبا، اللي عاير الناخب الوطني وليد الركراكي ودار حركة خايبة بيديه.