أمين عدلي: فرحان حيث غنلعب مع المغرب فكوب دافريك وغنديرو اللي فجهدنا

عبر الدولي المغربي أمين عدلي على السعادة ديالو حيث غيلعب كوب دافريك مع المنتخب المغربي، واكد ان ليكيب ناسيونال فيها كلشي مزيان وبلي غيدير جهدو هو واللاعبين باش يديرو شي انجاز فالمسابقة.
وحدث أمين عدلي فحوار دارو قبل ما تموت له الام ديالو، يالاه نشراتو بييت سبورت فرنسا، وقال: "فرحان بزاف حيث جيت للمنتخب المغربي اللي فيه اجواء زوينة، وشي حاجة واعرة نلعب للمغرب بلد والدي وجدودي وهذا شرف ليا واستقبلوني مزيان".
وكمل امين عدلي: "عندنا منتخب مزيان وفيه لاعبين عندهم مستوى عالي وفيه لاعبين شباب وهذا الشي مزيان للمغرب، ما عرفتش الحظوظ ديالنا للتتويج باللقب، والمنتخب المغربي عندو لقب واحد فكوب دافريك فالتاريخ ديالو وهاد البطولة ديما فيها صعوبات ولكن غنديرو اللي فجهدنا".
وكان امين عدلي خرج من معسكر المنتخب الوطني المغربي بمركز محمد السادس بسبب مرض الأم ديالو اللي وتوفات له بعدها ، ودابا كيتسناوه يوصل على ليكيب ناسيونال للكوت ديفوار".