طبيب الأسود: ها الاصابات اللي عندنا فالمنتخب وها حالة زياش وسايس ومزراوي

كشف بودو كريستوف طبيب المنتخب الوطني المغربي، انه كاينين 3 إصابات وسط لاعبين ليكيب ناسيونال، فالمعسكر الإعدادي للأسود اللي بادي دابا فمركز محمد السادس لكرة القدم فالمعمورة استعدادا لكوب دافريك فالكوت ديفوار.
وتحدث بودو كريستوف فتصريح للموقع الرسمي ديال الجامعة الملكية المغربية لكرة القدم، وقال: "اللاعبين جاو من نص موسم صعيب، حيث لعبو فريتم طالع مع الفرق ديالهم، ولكن كايين واحد الثلاثة لاعبين اللي موعتين والبقية حالتهم الصحية مزيانة وكيتدربو مزيان.
ووضح طبيب الأسود بخصوص الاصابات، وقال: "حكيم زياش جا موعت وإصابتو صغيرة، ودابا كيدير مرحلة التأهيل، وكاين رومان سايس، اللي ملوية له الشوفية من 20 ديسمبر، وراه دايرن الاحتياطات ديالنا، وراه جا بكري لهنا باش يتعالج وغيبدا التداريب مع الكروب فالسيمانة الجاية".

وكمل طبيب ليكيب ناسيونال: "ونصير مزواري اضطريت نسافر على قبل حالتو لالمانيا فبايرن ميونخ، واتفقنا معهم باش يكمل العلاج ديالو هنا وهو موعت فالمولية، وبفضل تدخلات الجامعة جا عندنا نهار 10 يناير، وما غيلعبش الماتش الاول والثاني من كوب دافريك ولكن غيكون واجد الماتش الثالث".