الركراكي على اللاعبين اللي عيط لهم ضد إريتريا وتنزانيا: شحال من لاعب فيهم ما غيمشيش لكوب دافريك وشحال من واحد ما كاينش دابا وغيمشي معنا

أكد الناخب الوطني وليد الركراكي أن اللاعبين اللي عيط لهم باش يجيو يلعبو ضد أريتيريا وتنزانيا ضمن إقصائيات مونديال 2026، الاختيار ديالهم عندو علاقة بالمرحلة الحالية وماشي حاسم باش يكونو فكوب دافريك 2023، وأنه صحيح كاينين أعمدة فليكيب ناسيونال صعيب يتغيرو ولكن راه كلشي ممكن ويقدرو يجيو لاعبين اخرين قبل كاس إفريقيا.
وتحدث الناخب الوطني خلال الندوة الصحافية للي دار باش يعلن على 25 لاعب غيجيو ليكيب ناسيونال يلعبو ضد إرتيريا وتنزاتيا وقال: "كنشوف ماتش بماتش واللي مهم اليوم هي لاليست اللي كاينة اليوم ماشي اللي غتمشي لاكوب دافريك دابا الأماكن عامرة فليكيب ناسيونال وعليها منافسة كنشوف الجاهزية وكنشوف الكروب وكاينين أعمدة اللي ما نقدروش نبدلوهم حيث عندنا مسابقة مهمة فشهر واحد ولكن كلشي ممكن، دابا عندنا 25 لاعب يعني 2 لاعبين غيخرجو من هاد لاليست".
وكمل الناخب الوطني: "العزوزي وأملاح موعتين وبوفال يالاه راجع من الإصابة وعندنا بزاف ديال الدراري اللي يستاهلو يكونو فليكيب ناسيونال واليوم 40 حتى 50 لاعب غيبداو يدخلو فلاليست فينال ديال لاكوب دافريك، وفهاد لاليست كاينين اللي غياخدو البلايص ديالهم فليماتش ديال الكاليفيكاسيون وكاينين اللي يقدرو يرجعو للمنتخب بالنيفو ديالهم مع الفرق ديالهم فالماتشات الجايين قبل كوب دافريك كيفما وقع فالمونديال".