وكيل أعمال زياش: حكيم غيمشي بحالو من كلطة سراي

قرر الدولي المغربي حكيم زياش يمشي من كلطة سراي التركي، بعدما دوز معهم 6 اشهر من الموسم الحالي، اللي جاي فيه بريطي من تشيلسي النكليزي.
وعلن جورج جاردي وكيل أعمال حكيم زياش فتصريح نشراتو CNN التركية أن النجم المغربي غيمشي بحالو، وقال: "مغامرة زياش مع كلطة سراي بدات مزيان بزاف. ولكن ما غتكملش مزيان".
وكمل وكيل أعمال حكيم زياش: "علمنا إدارة كلطة سراي بالرحيل ديالنا، والفريق التركي ما غيدير لنا حتى شي مشاكل".
وتألق حكيم زياش مع كلطة سراي التركي، حتى كلشي ظن أن الفريق التركي غيشري العقد ديالو من تشيلسي النكليزي الصيف الجاي، ملي تسالي مدة الإعارة اللي فيها موسم من الصيف الماضي حتى الصيف الجاي.
المؤشرات أغلبها فتركيا كتقول أن كلطة سراي ما عندهمش باش يخلصو حكيم زياش، داكشي علاش قرر يمشي بحالو، وأنه غيرجع لتشيلسي فالوقت اللي كتقول معلومات اخرى أنه غيمشي للسعودية للهلال أو النصر، او غيمشي للروما فالطاليان.