زياش: كنتمتع بالكورة مع كلطة سراي وكنحس براسي حييت من جديد

اكد الدولي المغربي حكيم زياش نجم كلطة سراي التركي انه لاقي الراحة ديالو مع الفريق التركي، والدليل التألق معه فماتشات هذا الموسم واخرها مواجهة مانشستر يونايتد فدوري ابطال اوروبا الاربعاء الماضي اللي ماركا فيها 2 اهداف وعطى أسيست الهدف الثالث.
وفحوار له مع موقع veotbal international الهولندي كشف الدولي المغربي حكيم زياش على الاجواء داخل كلطة سراي، وكيفاش كيعيش فيه والوضع ديالو فالفريق التركي، وقال: "متمتع بالكورة مرة اخرى.. لقيت المتعة هنا، ونقدر نكون راسي هنا، وكنحس براسي حييت مرة اخرى".
وكيبصم الدولي المغربي حكيم زياش على مستويات كبيرة مع كلطة سراي التركي، اللي جابوه بريطي من تشيلسي النكليزي، وفاجأ النجم المغربي كلشي بالأداء ديالو خصوصا انه ما كانش كيلعب فتشيلسي، وكانت عندو مشاكل تماك.