زياش منافس على احسن لاعب فالجولة 5 من شومبيونزليك

كينافس الدولي المغربي حكيم زياش على جائزة احسن لاعب فالجولة 5 من دوري ابطال أوروبا، بعدما حيح فماتش البارح الاربعاء بين الفريق ديالو كلطة سراي التركي ومانشستر يونايتد النكليزي.
واختار الاتحاد الأوروبي لكرة القدم، الدولي المغربي حكيم زياش لاعب كلطة سراي التركي، اللي ماركا 2 اهداف على مانشستر يونايتد الناكليزي وعطى اسيست الهدف الثالث، للمنافسة على جائزة احسن لاعب فالجولة 5.
وكان حكيم زياش خدا احسن لاعب فالماتش بين كلطة سراي ومانشستر يونايتد، ودابا كيتنافس على جائزة احسن لاعب فالجولة 5 مع فودين لاعب مان سيتي، وجواو ماريو لاعب بنيفيكا، وإيموبيل لاعب لازيو.
وكيتعتبر النجم المغربي حكيم زياش هو 3 لاعب كيماركي 2 كوفرات فماتش واحد من دوري أبطال أوروبا، بعد الأسطورة البرتغالي كريستيانو رونالدو، والبرازيلي نيمار جونيور.