معجب صفاها لمغنية مشهورة فماليزيا بطريقة خايبة بزاف.. البوليس كشفو على السبب الغريب دالجريمة

صدمة كبيرة عاشوها العشاق ديال واحد المغنية ماليزية مشهورة سميتها شو جيالينغ وعندها غير 26 عام، بعدما ماتت موتة خايبة بسباب واحد المعجب ديالها.
كتقول الصحافة الماليزية بللي هاد المغنية لي كانت غادي تتزوج هاد اليامات، قبلات الدعوة ديال واحد المعجب بيها باش تتعشا معاه فواحد الريستو.
هاد المعجب عامين وهو تابعها وباش تتهنا منو قبلات تتلاقا معاه ومشات بصح معاه فواحد الريستو.
ومن بعد ماسالا العشا، تناقشو فالباركينغ وهو يجبد موس خشاه فيها 8 المرات فصدرها وعنقها وقلبها تسبب ليها فنزيف حاد أدا للموت ديالها.
البوليس شدو المشتبه به، لي عندو 44 عام، ولي حتى هو كان باغي ينتاحر، وكيقولو أن الجريمة ديالو كانت بسباب الغيرة.