خافت من الصداع.. العراق نفات أنها عيطات على إليسا باش تغني فواحد المهرجان

نفات إدارة مهرجان"سندباد لاند" في العاصمة العراقية بغداد الأخبار لي كتقول أن المغنية اللبنانية إليسا غادي تجي تغني عندهم.
هاد النفي جا بعدما دار الخبار واحد الصداع كبير في العراق خاصة وأنو كاين دابا حملة ضد المغنية اللبنانية بسباب تصريحات ليها عندها علاقة بغزة.
الإدارة ديال المهرجان العراقي قالت أنها معيطاتش نهائيا على إليسا وكتطالب الناس لي كتنشر هادشي تتأكد مزيان من شنو كتقول.
وكانت إليسا ردات على المنتقدين ديالها وقالت أنها ملغاتش الحفلات ديالها في الوقت لي كاينا فيه الحرب فغزة باش متقطعش الرزق على الناس لي خدامين معاها.