هجوم كبير كتتعرض ليه إليسا بسبب الحفلات ديالها فوقت الحرب على غزة

هاجم الصحافي اللبناني المعروف إيلي باسيل المواطنة ديالو، المغنية إليسا، وداكشي بسباب التجاهل ديالها لهادشي لي كيوقع فغزة.
وعلى خلاف بزاف ديال الفنانين، متسوقاتش إليسا للحرب ف غزة، وكتدير الحفلات ديالها بشكل عادي جدا فكاع البلدان لي كتمشي ليهم.
وقال باسيل: "هادشي لي كتديرو إليسا غريب، والحفلات ديالها والتباهي ديالها بالعمليات التجميلية ملايقش في الوقت لي كيموتو فيه الدراري الصغار في غزة".
الصحافي اللبناني المعروف، موقفش هنا، وقال إن التبرير ديال إليسا بأنها "مالغاتش الحفلات ديالها باش متقطعش الرزق ديال بزاف د الناس" ضربة خاوية ومكتبررش هادشي لي كتديرو.