سيلينا غوميز كتضامن مع غزة والإسرائيليين دايرين عليها حملة خايبة

فالوقت لي قدمو فيه بزاف ديل المغنيين والمشاهير المريكانيين الدعم ديالهم المفضوح لإسرائيل، اختارت سيلينا غوميز توقف الوسط وتدعم الفلسطينيين والإسرائيليين بجوج.
هادشي جا فواحد البيان للشركة ديالها Rare Beauty لي قالت فيه بأن الصور لي جاية من فلسطين خايبة بزاف، وهي ضد الاعتداء على المدنيين وقتل الدراري الصغار.
وقالت أيضا، أن الشركة ديالها غادي تسيفط الدعم للدراري باش تخفف عليهم هاد المحنة.
وعلى الرغم من أن غوميز دارت بلاغ آخر بنفس اللهجة مع الإسرائيليين وقالت أنها غادي تسيفط مساعدات لنجمة داوود د إسرائيل، إلا أن الحسابات ديال الإسرائيليين هاجموها بزاف واتهاموها بالنفاق، ودابا دايرين عليها حملة خايبة.