جريمة بن أحمد.. الأمن يوقف شخصا جديدا    إسبانيا.. توقيف مغربيين حاولا تهريب 50 ألف يورو إلى جبل طارق    ماراطون الرباط الدولي: الأوغندي أبيل شيلانغات يتوج باللقب والمغربي عمر أيت شيتاشن بنصفه    الصين تخطو بثبات نحو الاستقلال التكنولوجي: تصنيع شرائح 3 نانومتر دون الاعتماد على معدات غربية    فرنسا.. مقتل مصل طعنا داخل مسجد    بوانو والأزمي ينافسان بنكيران على قيادة العدالة والتنمية    الطالبي العلمي من الداخلة: نحترم التزاماتنا والحكومة تسهر على تنزيل الأوراش الملكية    الرباط: تتويج التلاميذ الفائزين بالدورة السادسة لجائزة 'ألوان القدس'    الجزائر.. انهيار أرضي يودي بحياة عدة أشخاص    انفجار مرفأ في إيران يودي بعشرات القتلى    9 صحفيين يحصدون الجائزة الكبرى للصحافة في المجال الفلاحي والقروي    منصف السلاوي خبير اللقاحات يقدم سيرته بمعرض الكتاب: علينا أن نستعد للحروب ضد الأوبئة    طنجة تحتضن اجتماع المجلس الإقليمي للاتحاد الاشتراكي استعدادًا للمؤتمر المقبل    هذا موعد والقنوات الناقلة لمباراة نهضة بركان وشباب قسنطينة    ماراطون الرباط الدولي.. الأوغندي شيلانغات يحرز اللقب والمغربي بوقنطار وصيفا له    18 قتيلا على الأقل و800 جريح في حصيلة جديدة لانفجار المرفأ في إيران    اليوم يتعرف "البيجيديون" على أمينهم العام الجديد وسط غياب بارز للرؤية السياسية المستقبلية    كندا.. قتلى وجرحى إثر دهس سيارة لحشود في مهرجان بفانكوفر    الجزائر في مواجهة مرآة الحقيقة: أكاذيب الداخل والخارج    تونس تتحول في عهد قيس سعيد إلى ظل باهت لنموذج سلطوي مأزوم    توقعات أحوال الطقس اليوم الأحد    مشروع ورش الدار البيضاء البحري يرعب إسبانيا: المغرب يواصل رسم ملامح قوته الصناعية    تصاعد التوتر بين الهند وباكستان بعد قرار قطع المياه    "العدل" تستعدّ لإصدار نصّ تنظيمي بشأن تطبيق قانون العقوبات البديلة    احتجاج أمام "أفانتي" في المحمدية    جلسة حوارية "ناعمة" تتصفح كتاب "الحرية النسائية" للمؤرخ بوتشيش    برشلونة يحرز لقب كأس إسبانيا    "المرأة البامبارية" تُبرز قهر تندوف    المديني: روايتي الجديدة مجنونة .. فرانسيس بابا المُبادين في غزة    "لبؤات الفوتسال" يواجهن أنغولا    فوزي لقجع نائب أول لرئيس الاتحاد الإفريقي لكرة القدم    الأمن يصيب جانحا بالرصاص بالسمارة    الدوري الماسي: البقالي يحل ثانيا في سباق 3000 متر موانع خلال ملتقى شيامن بالصين    الكلية متعددة التخصصات بالناظورتحتضن يوما دراسيا حول الذكاء الاصطناعي    المباراة الوطنية الخامسة عشر لجودة زيت الزيتون البكر الممتازة للموسم الفلاحي 2024/2025    أدوار جزيئات "المسلات" تبقى مجهولة في جسم الإنسان    تتويج 9 صحفيين بالجائزة الوطنية الكبرى للصحافة في المجال الفلاحي والقروي    بواشنطن.. فتاح تبرز جاذبية المغرب كقطب يربط بين إفريقيا وأوروبا والولايات المتحدة    جديد نصر مكري يكشف عن مرحلة إبداعية جديدة في مسيرته الفنية    توقعات أحوال الطقس ليوم غد الأحد    إطلاق مشروعي المجزرة النموذجية وسوق الجملة الإقليمي بإقليم العرائش    جيدو المغرب ينال ميداليات بأبيدجان    المغرب يرسّخ مكانته كمركز صناعي إفريقي ويستعد لبناء أكبر حوض لبناء السفن في القارة    برهوم: الشعب المغربي أكد أنه لا يباع ولا يشترى وأن ضميره حي ومواقفه ثابتة من القضية الفلسطينية    البشر يواظبون على مضغ العلكة منذ قرابة 10 آلاف سنة    من تندرارة إلى الناظور.. الجهة الشرقية في قلب خارطة طريق الغاز بالمغرب    تتويج الفائزين في مباريات أحسن رؤوس الماشية ضمن فعاليات المعرض الدولي للفلاحة بالمغرب 2025    ولاية أمن الدار البيضاء توضح حقيقة فيديو أربعة تلاميذ مصحوب بتعليقات غير صحيحة    المرتبة 123 عالميا.. الرباط تتعثر في سباق المدن الذكية تحت وطأة أزمة السكن    الجهات تبصِم "سيام 2025" .. منتجات مجالية تعكس تنوّع الفلاحة المغربية    العالم والخبير في علم المناعة منصف السلاوي يقدم بالرباط سيرته الذاتية "الأفق المفتوح.. مسار حياة"    متدخلون: الفن والإبداع آخر حصن أمام انهيار الإنسانية في زمن الذكاء الاصطناعي والحروب    مصل يقتل ب40 طعنة على يد آخر قبيل صلاة الجمعة بفرنسا    كردية أشجع من دول عربية 3من3    دراسة: النوم المبكر يعزز القدرات العقلية والإدراكية للمراهقين    وداعًا الأستاذ محمد الأشرافي إلى الأبد    قصة الخطاب القرآني    المجلس العلمي للناظور يواصل دورات تأطير حجاج الإقليم    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



بوغطاط المغربي | واش بوبكر الجامعي بصح كانو كيتجسسو عليه ولا هو لي كان كيتجسس؟؟ (معطيات تنشر لأول مرة)
نشر في برلمان يوم 12 - 05 - 2022


تحية بوغطاطية للجميع،
صراحة ترددت بزاااف واش نقولها ولا ما نقولهاش... ولكن معندي مندير، هادا هو الواقع وما عندنا كيفاش نخبيوه أو نهربو منو.. المغرب فعلا في خطر!
فالوقت لي الأنظمة الديمقراطية تبنات ونجحات حيت كانت عندها معارضة حقيقية ومعقولة، المغرب اليوم ومن مور أكثر من 20 عام، باقي ما جبرش معارضة تحمر لوجه... مع الأسف المغرب اليوم عندو معارضة لي ما كيستحقهاش. والمعارضة ديال 1ère Division لي عارفوها المغاربة يامات بن بركة وبوعبيد واليوسفي وحتى الخوايضي ديال الفقيه البصري، طاحت ل 3ème Division وما بقا ليها والو تكون خارج التصنيف كاع... وولات معارضة خبزية، شخصية وانتقامية، كل واحد فيها كينش على كبالتو... وماكاين غير راسي يا راسي.
وماشي بعيد النظام أو "المخزن" غيبدا يفكر يعارض راسو براسو غير باش ميخليش الساحة خاوية... حيت ماكينش معامن
كنقول هاد الهضرة حيت فاش كتشوف هاد الهايلالا لي ناضت على المغرب فقضية "بيغاسوس"، لي تفرشات ومازال نهار على نهار كتفرش ويتفضحو لكذوب ديالها، وكتشوف كيفاش كانت الضربات كتجي من عند البراني، لي توظفات فيها إمكانيات إعلامية خيالية وأدوات "حقوقية" مشبوهة، غير باش يطيحو واحد المؤسسة أمنية واقفة ليهم فالقرجوطة، كتقول هاااانية وعاااادي جدا.
ولكن فالوقت لي وكالة "أوروبا بريس" نشرات رسميا، خبر براءة المغرب من تهمة التجسس باستعمال "بيغاسوس" والرفض ديال القضاء الإسباني باش يواصل التحقيق فشكاية الصحافي إيغناسيو سيمبريرو لي اتهم فيها السلطات المغربية بالتجسس على التلفون ديالو، لأن التحقيقات مقدراتش تثبت أصلا واش التلفون ديالو تخترق ولا لا، عساك تعرف شكون لي اخترقو....
كتلقا فنفس الوقت بوبكر الجامعي والرباعة ديال "البياعة" و"الشكامة" لي معاه وعلى رأسهم علي لمرابط (شكام الجزائر) (لي مصنفين راسهم معارضين ومنتقدين للنظام) كانو بااااقيين كيعاودو نفس خرايف جحا لواحد الصحيفة إسبانية عاد فاقت من النعاس وكيف هي العادة بدون أي دليل ولا حجج... هنا صااافي كتقول لا إله إلا الله محمد رسول الله... وكتغسل يديك على هاد المعارضة.
والمصيبة أن هادشي جا من مور ما المسؤولين الإسبان براسهم، سواء السياسيين أو الأمنيين، نفاو يكون المغرب متورط فشي عملية تجسس عليهم باستعمال بيغاسوس.
فإذا كان المعنيين بالأمر براسهم كيقولو أودي مكاين والو من هادشي، ونتا لي مغربي فقرطا حنا، حالف حتى بلادك متورطة، أشنو ممكن نسميو هادشي من غير أنها تابياعت بالعلالي وضد فبلادك باش تكون مع غانا؟؟
بوبكر الجامعي فتصريحاتو لصحيفة El Independiente بكل تسنطيح كيقول بأن هناك دلائل قوية على أن المغرب تجسس على شخصيات أجنبية، فالوقت لي نفس الشخصيات الأجنبية براسها كانت نفات ماشي مرة ماشي جوج يكون المغرب تجسس عليهم ببرنامج بيغاسوس. فين هاد الدلائل أسي "بوبكي" يهديك الله؟؟؟
وا هو من ناحية الدلائل، الجامعي قالك كااااينين... وبلي هادشي كان قديييم من بكري. وااايلي؟؟؟ بحالاش مثلا؟؟
قالك أسيدي بلي منين كان هو مدير ديال "لوجورنال" (وهادشي الله يخليك فأواخر التسعينات وبداية الألفينات)، كان "تقريبا" متأكد بلي كيتجسسو عليه فقاعة التحرير ديال الجريدة وبلي كانو شي شكامة معاه فالخدمة كيوصلو لخبار.
دابا هادا هو الدليل على أن المغرب خدم بيغاسوس ضد اسبانيا أو فرنسا؟؟
أنا بعدا لي عرفتو وتأكدت منو من خلال بعض الجولات البوغطاطية ديالي (الميدانية ماشي ديال "بيغاسوس")، أن القضية ديال الشكامة أو الشكام لي كان ف "لوجورنال"، بصح كااااينة. وهادي الحاجة الوحيدة لي صحيحة فدوك التصريحات لي قالهم بوبكر الجامعي لصحيفة El Independiente ،غير وكان مكانش شكام ديال المخزن وماشي المخزن لي كان كيتجسس على بوبكر.
وشكون؟؟ وديالمن هاد الشكام؟؟ وا هو بصراحة ماشي مهم نعرفو شكون ولكن مهم بزاف نعرفو لصالح من كان هاد الشكام كيوصل خبيرات "خاصة" ديال بوبكر. لصالح من؟؟
لصالح صاحبنا عليلو. علي لمرابط لي كان كيتجسس على صاحبو وينشر عليه مقالات فالجريدة ديال Demain Magazine غير باش يفقصو وينتقم منو من مور ما وقع خلاف بيناتهم فاش كان رئيس تحرير ديال "لوجورنال" وتما فين كان كيسميه فالمقالات ديالو ب "بوبكي شورط".
إيوا دابا هادا تجسس ولا ماشي تجسس أسي بوبكي؟؟ ومن عند صحابك من الفوق ماشي من المخزن؟؟
ولكن علاما كيبان أن "تشكامت" وسط هاد الرباعة كاينة فالدم، وبوبكر براسو حتى هو غادي يتبلا بهاد القاعدة ضد صحابو لقدام. تا كييييفاش هاد لبلان؟؟
قالو ناس زمان: "لي دارو من زاج مايضربش الناس بالحجر". وسي "بوبكي" ديالنا، فالوقت لي كانت هاد الهايلالا ديال بيغاسوس بااااقي كتطبخ ضد المغرب أشنو كان بسلامتو كيدير هو ف 2018؟
بوبكر الجامعي ف 2018 أسيدي كان كيعرض راسو وخدماتو على واحد الشركة بريطانية معروفة، متخصصة فمجال التحقيقات المالية والاقتصادية وتقديم استشارات فميدان الأعمال عموما.
إيوا فين المشكل فهادشي؟ عادي جدا السيد يترزق ويخدم على راسو خصوصا أن بوبكر قديم فالدومين ديال الأبناك يامات كان خدام مع الديوان الملكي ومع مصطفى التراب وكان كيكتب فجريدة La Vie eco.
وكانت عندو علاقات كثيرة فهاد الدومين وكسب تجربة كبيرة من واحد الشركة مختصة فمجال البورصة سميتها "Upline Securities"لي أسسها مع بعض الأصدقاء ديالو لي قراو معاه و كانو مقربين من القصر ولي غيوليو واحد الجوج منهم من المسؤولين البارزين على "الهولدينغ الملكي" ومناصب كبيرة أخرى فالدولة.
إذن هاد التجارب كلها عادي جدا تخلي بوبكر الجامعي يقدم استشارات لشركة عالمية، لي عندها فروع كثيرة فالعالم... ف لندن، نيويورك، واشنطن، مدريد، جنيف، وحتى فتل أبيب. فين المشكل؟؟
المشكل أنه كيف كاع الناس شافو وفهمو مزيان فقضية عمر الراضي، فإن المعروف على شركات بحال هادي، كتكون واجهة لأجهزة مخابرات من أجل جمع المعلومات، وبالتحديد المعلومات الاقتصادية والمالية أو ما يسمى بالاستخبار الاقتصادي.
وطبيعة المعلومات لي كانت مطلوبة من بوبكر الجامعي يجمعها مكانتش استشارات عادية مبنية على المعرفة ديالو أو التجارب ديالو، وإنما كان مطلوب منو يجمع معطيات دقيقة على شركات كبيرة ومؤسسات اقتصادية ومالية فالمغرب وعلى معاملاتها المالية والنصيب ديالها فالمارشيات فالمغرب وطبيعة العلاقات لي عندها مع القصر الملكي.
وطبعا واحد بحال بوبكر بهاد المسار والسيرة لي حكيت عليهم شي شوية، كان ساااهل يجمع دوك المعطيات. بل أكثر من ذلك، بوبكر الجامعي مكانش عندو مانع يجمع حتى معطيات دقيقة وشخصية على بعض رجال الأعمال فالمغرب، الشيء لي مكانش حتى هو صعيب عليه بحكم العلاقات والمعارف والمعطيات لي كان راكمها شحال هادي. تجسس هادا ولا ماشي تجسس أبا بوبكي؟؟ اه ؟؟
لكن لي كيبقى فيك هو أن واحد بحال بوبكر الجامعي تلات بيه ليام يبيع راسو رخيص لدرجة يتخلص 200 يورو على كل نويطة جابها لديك الشركة البريطانية.
من مور ما فشل فأمور كثيييرة، السيد داز من عالم المال، للصحافة، للتدريس فالجامعة، ودابا وصلات بيه للفنون الحية قالك.
وماشي بعيد ينظم شي نهار شي مهرجان الحلقة فجامع الفنا.
وعلاش هادشي كااامل؟؟ علاش هاد الحقد وهاد الضد كوولو فحق لبلاد وبالكذوب من الفوق؟؟
حيت كان كيوهم راسو بشي منصب وماعطاوهش ليه؟؟ حيت كان باغي يدخل للمربع الضيق للسلطة أو كيف كيقول هو "المخزن الاقتصادي"... وماخالوهش أو مقدرش؟؟
واش لي ما تعطاتش ليه شي بزولة ولا تقطعات ليه ينوض يعارض؟؟ هادي هي المعارضة؟؟ إيوا يا سيدي سمحولي نقولها: إيلا كانت المعارضة غتكون بهاد الشكل، الله يخلي باباها معارضة.
ورغم هادشي كاااامل، فاش كتكون عند الواحد دوافع شخصية وانتقامية، بحال لي عند بوبكر الجامعي وعلي لمرابط وفؤاد عبد المومني ومحمد زيان واللائحة طويييلة، مهمااا كان حجم النفاق والكذوب، تقدر تتفهم.... كتقول بنادم واحلة ليه وما بغات تسرط ليه...زعما متوقع يكون رد الفعل ديالو بهاد الشكل.
ولكن لي أنا بعدا لي ما نقدر نتفهمو ولا نتقبلو هو نشوف واحد بحال بوبكر الجامعي كيتحوجب، نسبة إلى "الحوجبة" (Hajibisation ) لي جاية من حاجب...الإرهابي محمد حاجب... أو كما يحب أن يناديه البعض ب "حويجيبة الألمانية" أو "حويجيبة الشهبة" ههههه.
حتى لهادي أسي بوبكر لا. ماااشي ديالك. واخا كان غادي يدير كثر من هادشي نهار كان باغي يدوز مع الإرهابي en personne فلايف.
بوبكر الجامعي مع الأسف، دارت ليام، ولقا راسو غادي فنفس الاتجاه ديال الإرهابي محمد حاجب ومن يدور في فلكه من رباعة الشالهبية والفاشلين، وحاول فتصريحاتو لي عطاها لصحيفة El Indenpendiente يشكك فدور المغرب في محاربة الإرهاب وبدا كيشير من عندو بالأحكام شكون فالإرهابيين لي بريء وشكون ماشي بريء... بحال لي كيشير بالحجر.
وزاااد كملها وجملها، قالك راه كااااع داك الشهادات ديال الدول فحق المغرب كحليف واعر فمجال محاربة الإرهاب وكاااع التوشيحات لي تعطات للأجهزة الأمنية ديالو، هادشي كااامل كان كولو نفيخ وتطبال لي جابو نتائج عكسية، وها هي هاد الأجهزة ولات كتجسس عليهم وولات هاد الأجهزة مكتحاربش الجريمة، وإنما كتحارب لي كيناضلو من أجل الديمقراطية وحقوق الإنسان. يااااك أبا ؟؟؟ لهاد الدرجة وصالت تشكامت ببلادك وبوجه حمر داير فيها زعما غاتلاقي السلوكة؟؟
بوبكر الجامعي والرباعة لي معاه ولا لي قريبة منو، يموتو ومايقولوش بلي المغرب بصح مجهد فمحاربة الإرهاب. ويموتو ومايقولوش بلي المغرب بصح يحظى بثقة الدول لي كيتعاملو معاه فهاد المجال حيت عاونهم بحماية أمنهم وأمن المواطنين ديالهم وجنب بلادهم كوارث كيف صرح بها وزير الدفاع الإسباني الأسبق، خوسيه بونو ولي كان مسؤول سابق على جهاز المخابرات CNI.
واخا هاد الشهادات يجيو من عند فرنسا وإسبانيا... وواخا تقولها ميركان لي كيقيلو يتبحلسو ليها باش تخرج تقارير خايبة على المغرب بخصوص حقوق الإنسان. وااالو وتقول واش يعتارفو ببالدهم ولا يقولوها فيها زوينة.
وعياو مايطلعو وينزلو ويعاو مايلاقيو السلوكة بين المغرب وإسبانيا... فاللخر الرد جاهم بيه فيه بعدما صرح وزير الخارجية الإسباني ومن المغرب، بأن إسبانيا ملتزمة إلى جانب المغرب بمحاربة الإرهاب.
واش كاينة شي دولة غادي تلتزم مع دولة خرى عارفة بلي كتجسس عليها؟؟؟
لكن مع ذلك، بالنسبة لبوبكر الجامعي هاد الورقة ديال مكافحة الإرهاب كيخدمها المغرب باش يحارب حقوق الإنسان... حقوق الإنسان لي آخر واحد يهضر عليها ويعطي فيها الدروس هو بوبكر الجامعي لي مكانش كيخلص حقوق العاملين فجريدتو ديال "لوجورنال" لي وصالت الديون ديالها لصالح CNSS تقريبا 500 مليون سنتيم... اضطر بسبابها يهرب من المغرب.
بوبكر الجامعي لي كان يامات "لوجورنال" شايف راسو هو وواحد الطبقة معاه، أنهم من الناس "الأبهة" و"الفخامة" و"العظمة" وكانو كيطنزو على الصحفيين لي خدامين عندهم حيت فالغدا كيجيبو الدجاج محمر من Snack لي حدا الجريدة، ماشي بحالهم لي كانو كيجيبو لغذاوات من عند مطاعم فاخرة.
كيفما كانو كيطنزو عليهم نهار كيشوفوهم كياكلو الشكلاط ديال "ماروخا"، فحين هما ماشي بحالهم حيت كياكلو شكالط جايبينو من سويسرا... واللائحة طويييلة من أمثلة ووقائع ما بينها وبين حقوق الإنسان غير الخير والإحسان.
يلا كان النضال من أجل حقوق الإنسان من وجهة نظر الجامعي هو تهضم حقوق الغير، وتزيد تستهزئ من وضعيتهم الاجتماعية... ف الله يخلي باباه نضال هادا.
راك غااادي للخسران "أ ولدي"، كيف كان قال ليك الميداوي الله يرحمو على هاد لكلام... ولكن نسيت بلي حتى الأبوة كاتعارضها، وضحيتي تجي تحضر لجنازة سي خالد الله يرحمو وفضلتي تحضر فواحد التخربيقة ديال مساندة عمر الراضي وسليمان الريسوني... هاكا يكون المناضلين وولاد المناضلين وإلا فالا.. ماشي ديال 1ère Division، حاشا الله وإنما ديال 3ème Division.. ومن هاد المنبر كنقول لسي "بوبكي" فييييق من الڭلبة أ بابا فييييق.


انقر هنا لقراءة الخبر من مصدره.