واش بصح Dior بدلات المانكان الفلسطينية بيلا حديد بوحدة إسرائيلية؟

نفات وكالة "أسوشيتد برس" الميريكانية واحد الخبر قالو فيه أن شركة Dior بدلات المانكان بيلا حديد بوحدة خرا من إسرائيل، سميتها ماي تاغر.
هادشي جا بعدما بارطاجاو بزاف ديال الناس على السوشل ميديا هاد الخبار من مصادر غير موثوقة، ولي كتقول أن دار الأزياء تخلات على بيلا بسباب التعليقات ديالها على داكشي لي واقع في غزة.
كتقول الوكالة، أن عقد بيلا مع "ديور" سالا من شهر مارس 2022. وهاد العارضة الإسرائيلية هي وحدة من بزاف د العارضات لي بانو ف حملة ديور الأخيرة لموسم عطلات 2023.
الظهور ديال هاد العارضة الإسرائيلية اللخراني، هو لي خلا الناس يصحاب ليهم بأن "ديور " بدلاتها ببيلا حديد لي عندها أصول فلسطينية.
هادشي لي قالت هاد الوكالة الميريكانية، ولكن نتسناو الرد ديال بيلا حديد، ممكن جدا تبان شي حاجة جديدة حنا ماعارفينهاش.