توم هانكس كاعي مزيان على واحد الإشهار.. بان فيه بشحمو ولحمو وفالآخر اكتاشف أن الذكاء الاصطناعي استنسخو

خرج الممثل الميريكاني المعروف توم هانكس بواحد التغريدة في الكونط الرسمي ديالو على "إنستغرام" كينفي فيه بمرة أنه يكون هو لي دار واحد الإشهار ديال واحد البرودوي ديال إنقاص الوزن.
هاد التدوينة، جات بعدما بارطاجاو الآلاف ديال الناس في ميريكان واحد الإشهار كيبان فيه هانكس بشحمو ولحمو وهو كيدير الإشهار لهاد البرودوي.
وبعد واحد السلسلة ديال البحث، عاد عرفو الناس بأن هاد الإشهار دارو الذكاء الاصطناعي باش يستنسخ توم هانكس، هو وواحد الصحفية معروفة في شبكة "سي إن إن" الميريكانية.
الممثل ديالنا قال أنو عمرو مادار هاد الإشهار وعمرو ما جرب هاد البروديو، وكيقول للناس ترد البال من هادشي.