بغاها تخرجو من الكوارث لي داير.. كاني ويست استاعن بمحامية جوني ديب

الرابور الميريكاني كاني ويست طليق كيم كارديشيان كثرو عليه المشاكل في الفترة الأخيرة فقرر أنه يشكل فريق ديال المحامين غادي تترأسو كاميل فاسكيز، وهي المحامية ديال جوني ديب في قضيته ضد آمبر هيد.
كاني ويست لقا بأن كاميل فاسكيز هي لي قادرة تخرجو من الورطات لي طيح راسو فيها، آخرها مني قال إن فلويد الرجل الأسود لي مات على يد بوليسي في ميريكان راه مات بسبب المخدرات.
هاد القضية خلات عائلة فلويد ترفع عليه دعوة وتطالبو بتعويض كبير، في الوقت لي فسخات معاه شركات التعاقد، وخرج خبر كيقول إن شركة أديداس لي كيدير ليها الإشهار كتفكر توقف معاه التعاقد بسبب تصريحاتو.
كاني ويست اختار كاميل فاسكيز لأنه شافها كيفاش خدمات في قضية جوني ديب، وكيفاش خرجاتو رابح في القضية مع آمبر هيد، وحولاتو لضحية العنف بعدما كان متهم بيه.