محامية جوني ديب: عرض عليا نمشي معاه فجولة أوروبية هاد الصيف – فيديو

كشفات محامية جوني ديب، كاميل فاسكيز، أن الممثل الميريكاني عرض عليها تمشي معاه جولتو الأوروبية اللي غادي يدير فالصيف.
هاد الإعلان جا من بعد الشائعات، اللي هضرات على وجود علاقة بين المحامية ونجم "Pirates of the Caribbean"، مللي بدات جلسات المحاكمة فقضية التشهير اللي رفعها جوني ديب ضد طليقتو آمبر هيرد.
لكن كاميل فاسكيز خرجات وهضرات للمرة اللولة على علاقتها بالممثل الميريكاني، ونفات وجود حتى ارتباط عاطفي بيناتهم، وبللي اللي كان كبهمها هو تدير فخدمتها وتنجح فدفاعها على جوني وماشي شي حاجة أخرى.
المحامية هضرات على التعناق ديالها لجوني ديب وسط المحكمة وقالت "غادي نعنقو بالطبع. هو صاحبي، لكنه موكّلي أولاً، وكان كيدوز من فترة صعيبة بزاف".