بعدما ساهمات فربح القضية ضد آمبر هيرد.. "المخاطفة" نايضة على محامية جوني ديب

قالت صحيفة "The New York Post" الميريكانية أن محامية جوني ديب، كاميل فاسكيز، نزلو عليها العروض ديال قضايا مشاهير هوليوود وشركات المحاماة كتخاطف عليها بفضل النجاح اللي حققاتو فقضية جوني ديب ضد طليقتو آمبر هيرد.
وماشي غير فهوليود فحتى القنوات التلفزية فميريكان كيتسابقو على المحامية، اللي عندها 37 عام، باش تولي الممثلة القانونية أو المستشارة الإعلامية ديالهم.
محامية جوني ديب تشهرات بعد جلسة المواجهة اللي طرحات فيها أسئلة على آمبر هيرد، وهي الجلسة، حسب وسائل إعلام محلية، اللي كانت حاسمة فربح جوني ديب لقضية التشهير اللي رفعها ضد آمبر.