مامفاكاش.. آمبر هيرد غادي تستانف الحكم فقضيتها ضد جوني ديب

قالت محامية الممثلة آمبر هيرد، أنها قررات تستانف الحكم الي صدر عليها فالمحكمة، واللي كيدينها بالتشهير براجلها السابق جوني ديب.
وأكدات المحامية إيلين تشارلسون بريدهوفت، فبرنامج "Today Show"، أن خطوة آمبر الجاية هي أنها غتطلب استئناف الحكم، وزادت بللي موكلتها عندها أسباب كثيرة باش تستانف قرار المحكمة، زائد أنها أصلا ماتقدرش تخلص التعويضات اللي تفرضات عليها لفائدة جوني ديب.
وكانت هيئة محلفين فولاية فرجينيا قررات، باش تتابع هيرد حيت شوهات السمعة ديال طليقها و خاصها تحط تعويض ديال 10.35 مليون دولار.
وقالت نفس هيئة المحلفين أن آمبر هيرد تعرضات حتى هي لنوع من التشهير، وحكمات لصالحها بتعويض 2 مليون دولار، بسباب تصريحات محامي سابق ديال جوني ديب فحقها.