قناة ميريكانية غادي تدوز المحاكمة ديال جوني ديب وطليقتو لايڤ

كتستعد قناة "Court TV" التلفزية باش تعرض بشكل مباشر أطوار محاكمة جون ديب فمواجهة مراتو السابقة الممثلة آمبر هيد، فقضية التشهير اللي رفعها ضدها.
وكيتابع جون ديب طليقتو فقضية التشهير اللي طالب فيها بتعويض ديال 50 مليون دولار، بحجة أنها شوهاتو فمقال تنشر فجورنال "واشنطن بوست"، قالت فيه أنها تعرضت للتعنيف والاعتداء منو.
وفالجلسة اللي كانت بين الممثلين المشهورين السيمانة اللي فاتت في فيرجينيا فميريكان، نفا جوني ديب كَاع التهم اللي جات فالمقال المذكور ، ونكر بللي تعدى على مراتو السابقة لا لفظيا ولا جسديا.