الكونط ديال “حمزة مون بيبي” رجع وكشف شكون حط الشكايات ضدو عند البوليس والتحقيق مع 15 الواحد

من بعد 10 أيام ديال الغبور وبزاف ديال القيل والقال على كونط “حمزة مون بيبي” لي التخصص ديالو الشوهة والفرشة ديال المشاهير والناس العاديين، رجع البارح السبت. الكونط تحل في سناب وحط بوسط فيه “ترقبوني بعد قليل نسالي وأنا معاكم” ودار ليموتيكون ديال الغمزة.
البوليس كانو شدو واحد من أكادير قبل ما يبان أنه ماشي مول الكونط وماشي راس الحربة، وتم التحقيق مع بزاف ديال المشتبه فيهم في القضية ديال تكوين عصابة مختصة بالابتزاز، كيبان أنه رجع يبوسطي بحالا عمر هاد الروينة ديال التحقيقات ماكانت.
ومن نهار تسد الكونط كل واحد وشنو قال عليه، وكل واحد وشنو كتب، وكاين لي فرح وكاين لي دخلاتو الخلعة. المهم ها هو رجع تاني ونشوفو هاد الفيلم فين غادي يوصل.
الهضرة لي قال كثيرة بزاف ومنها ان لي حط الشكاية هو محمد المديمي رئيس الجمعية المغربية لحقوق الانسان بعد الجدل والحملة لي دار عليه بعدما شدو خالد وية مدير الوكالة الحضرية ديال مراكش.
المهم ها شنو كتب وطالب من الحموشي باش يدير تحقيق في كلامو كامل.