"كَوكَل" خرجات لاليست ديال السميات والكلمات اللي قلبو عليهم الناس بزاف هاد العام

خرجات شركة "كَوكَل" الميريكانية لاليست ديالها، اللي كتخرج كل عام فهاد الفترة قبل نهاية كل سنة، وكشفات فيها على الكلمات المفتاح والموضوعات والأسئلة اللي قلبو عليها الناس بزاف في 2021 عبر الموطور دروشيرش ديال "كَوكَل".
وجات سمية "أفغانستان" على راس الأخبار اللي قلبو عليها مستخدمي الأنترنت في جميع أنحاء العالم، تبعاتها أخبار جائحة كورونا والعملة الرقمية "دوكَ كوين" (Dogecoin).
إسم الممثل الميريكاني أليك بالدوين تصدر عمليات البحث في لاليست ديال المشاهير خلال 2021 بعدما تسبب عن طريق الخطأ في مقتل مديرة تصوير الفيلم ديالو "راست" بسلاح ناري في أكتوبر.
المسلسل الكوري الجنوبي "Squid Game" أو "لعبة كالامار"، كان الأكثر بحثا بين المسلسلات في 2021، في المقابل جا فريق ريال مدريد الإسباني في صدارة عمليات البحث تابعو تشيلسي الإنكَليزي وباريس سان جيرمان الفرنسي.
وقالت الشركة أن السؤال "When" قلبو عليه بزاف المستخدمين من الدول الأوروبية.