المانكان بيلا حديد كشفات على مرض مزمن 15 عام وهي كتعاني منو

المانكان الميريكانية المشهورة بيلا حديد، علنات على المرض المزمن للي كتعاني منو مدة 15 عام، وشرحات للناس فإنستݣرام علاش غبرات ومبقاتش كتبان فعروض لأزياء راقية فالفترة الأخيرة، وقالت أنها قريب غترجع تكمل خدمتها.
فرانس برس قالت إن بيلا حديد كتبات رسالة بينات فيها مقتطفات من الملف الطبي ديالها، وتصاورها ملي كانت فسبيطار، وقالت فهاد الرسالة إنها 15 عام وهي كتعاني فصمت بسباب المرض لي عندها ديال لايم والعلاجات طويلة، وقالت أن صحتها دابا مزيانة.
دراسة دارت ف 2022، قالت أن كثر من 14% من سكان العالم فيهم هاد المرض ديال لايم لي كيجي من واحد لبكتيريا وكينتقل للناس بلدغات ديال لقرودا.