مرض جديد ف الشينوا كيضرب الدراري الصغار خالع العالم والصحة العالمية طلبات من بيكين تقارير صحيحة عليه

بدات الخلعة كتدخل فنفوس بزاف ديال الناس فالعالم، بسباب التقارير الصحية لي جايا من الصين وكتقول بأن واحد الالتهاب خايب كيضرب الدراري الغار نتاشر فالبلاد بواحد الشكل كيخلع.
وقالت السلطات الشينوية، أن السبيطارات فالبلاد عرفات واحد الزحام مكنش مسبوق بسباب العدد كبير ديال الأطفال لي تصابو بالاتهاب ديال الرية.
وهادشي لي خلا منظمة الصحة العالمية تطالب الصين باش تعطيها تقارير دقيقة على شنو واقع عندها، باش نتفاداو شي كارثة بحال كورونا.
وكيقولو الخبراء أن سباب هاد العدوى راجع لفترة الإغلاق بسباب كورونا حيت سدو على الدراري الصغار وضعافت المناعة ديالهم، وفين خرجو فهاد الوقيتة ديال البرد تصابو بيها.