الهبال فيه وفيه.. كَروب ديال الدراري خرجو جثة صاحبهم من القبر وتساراو بيها فوق موطور!

حادثة غريبة ديال بصح وقعات في الإكوادور بعدما قرر كَروب ديال الدراري يخرجو الجثة ديال صاحبهم الميت، كانت سميتو "Eric Cedeno" وكان فعمرو 21 عام، وهزوه معاهم فوق الموطور ومشاو ضربو بيه دويرة، قالك باش يودعوه.
الدراري قالو أنهم خداو الموافقة ديال والدين صاحبهم اللي مات مقتول بالقرطاس، بمبرر أنهم بغاو يودعوه على الطريقة ديالهم. حتى الموتى ما وقروهمش وما خلاوش السيد يرتاح في قبرو!
السلطات قالو أن الفعلة مرفوضة وخايبة لكنهم ماشدو حتى واحد من اللي مورطين فيها، ودازت هاد الجريمة بحال إيلا ماوقع والو!