فعام واحد.. 112 مليار دولار خسائر عمليات الشفرة من المتاجر فميريكان

صحيفة The Times البريطانية قالت أن الشفرة كثرات فميريكان، والشفارة ولاو ديرين ماباغين، ومالين الحوانت شداهم الخلعة أما الخسائر كانت كارثية أو فاتت112 مليار دولار العام لي فات.
مالين لحوانت ولاو كيضاربو مع الشفارة، وكيعرضو حياتهم للخطار، وشحال من واحد قتلوه دكشي علاش بزاف ديال المتاجر دارو حراس أمن باش يحميو الموظفين.
هاد الشفرة ولات من القضايا السياسية، والجمهوريون طالع ليهم دم وكيقولو أنَّ البلايص لي شادينها الديمقراطيين هي البؤر ديال بحال هاد الجرائم، حيت هاد الشفارة ملي كيشدوهم كيتساهلو معاهم بزاف فهاد القضايا، وهادشي لي خلاهم يكثرو.