قريعة صغيرة من لمداد بزبابل ديال لفلوس وها علاش-فيديو

"حبر سومي" هو مداد جابوني تقليدي كيتباع على شكل قوالب قاصحة، والإنتاج ديالها كياخد بزاف ديال الوقت من 6 شهر حتال 4 سنين، وكيتعتبر أغلى مداد فالعالم، والقالب الصغير كيتباع بزبابل ديال الفلوس.
فيديو كيبين كيفاش كيصوبو هاد المداد، ولي كيصخصخهم حيت كيدوز من بزاف ديال المراحل عاد كيوجد، دكشي علاش كيتباع غالي بزاف، وشحال هادي كانت غير الطبقة الأرستقراطية اليابانية لي كتستعملو.
وفاش كيبغيو يكتبو بيه كيخويو لما على الحجرة ديال لمداد حتى كيدوب، وهادشي كياخد بزاف ديال الوقت، دكشي علاش المبتدئين فالعصر الحديث كيخدمو غير بالمداد لي سائل كيكون فقريعات ديال زاج.