حس بالملل وبغا يجرب الموت.. جريمة هزات تركيا. راجل قتل ولادو ومراتو وحاول ينتاحر

هزات واحد الجريمة خايبة الشارع في تركيا نهار الاحد لي فات، بعدما قتل واحد الراجل ساكن في إسطنبول 3 ديال ولادو ومراتو في دارهم وهو حاول ينتاحر ولكن مصدقاتش ليه.
الجريمة وقعات نهار الاحد فين رجع خونا للدار وجبد فردي وتيرا فولادو ومراتو وبغا يقتل راسو حتى هو، ومن بعد اسمعو الجيران الصداع وعيطو للبوليس.
الأطباء حاولو ينقذوا الدراري وامهم ولكنهم ماتو كلهم في السبيطار وفشلات كاع المحاولات.
بخصوص أسباب هاد الجريمة، كترجح المواقع التركية، تكون لأسباب نفسية، حينت الأب كتب واحد التدوينة قبل ما يدير هادشي ف موقع "إكس" قال فيه أنه "كيحس بالملل وبغا يجرب الموت، وبغا يخلص ولادو ومراتو من هاد العالم المنافق".