ملّالي قتل صاحبو و هرب يتخبى ف دار جداه

عدوى جرائم الدم و القتل وصلات تا لبني ملال اللي تهزات البارح الاربعاء على صدمة جريمة قتل وقعات بالشارع العام ببلدة اولاد موسى.
الجريمة، و حسب مصادر محلية، وقعات بسبب خلاف بين جوج صحاب مافايتينش 20 عام ف العمر، و هو الخلاف اللي سالا بطريقة بشعة بعدما جبد واحد فيهم جنوي و خشاه ف صدر صاحبو اللي طاح جثة هامدة وسط بركة من الدماء، في حين لاذ الجاني بالهرب من مسرح الجريمة و لكن هاذ الهربة ماغاديش تصدق ليه حيث تمكنوا الدراري ديال الجدارمية من اعتقاله ف نفس النهار بعدما لقاوه مخبي ف دار جداه بمنطقة أفورار.