بوفال رجع يلعب قبل شهرين على انطلاق كأس إفريقيا وبنشرقي تألق

رجع الدولي المغربي سفيان بوفال يلعب بعدما غاب لأشهر بسبب الإصابة، اللي كانت جاتو مع بداية الموسم.
وبعدما غاب تقريبا 3 أشهر، شارك اليوم الاحد سفيان بوفال مع الفريق ديالو الريان القطري، ولعب رسمي ضد فريق الشمال، ضمن منافسات كأس قطر، وضيع بيلانتي وبقى لاعب حتى الدقيقة 77 عاد خرج.
وكيجي رجوع سفيان بوفال للعب قبل شهرين تقريبا على انطلاق كأس إفريقيا فالكوت ديفوار، وكلشي ينتظر واش الناخب الوطني وليد الركراكي غيعيط له.
وللإشارة فالماتش ربحوه الريان بنتيجة 2 لزيرو، والهدف الأول ديالهم ماركاه المغربي الاخر أشرف بنشرقي.