أشرف حكيمي للجمهور المغربي: كنعيشو وقت صعيب بسبب الزلزال.. كلنا مع الضحايا ونوضو نتبرعو بالدم

عبر الدولي المغربي أشرف حكيمي على الحزن والتضامن ديالو مع ضحايا فاجعة زلزال الحوز، اللي خطف حياة مئات المغاربة البارح الجمعة وطيح مئات المصابين حسب اخر الاحصائيات اللي مرشحة لتجاوز 1000 متوفي، ووجه التعازي لهائلات الضحايا.
وأشرف حكيمي اللي كاين دابا فمدينة اكادير مع المنتخب المغربي، خرج ونشر صورة للراية المغربية فأنستغرام وكتب عليها ميساج للمغاربة قال فيه: "كنعيشو أوقات صعيبة و تفكيرنا كلو معا المصابين و عائلات الضحايا".
وأكد أشرف حكيمي على ضرورة التعاون ما بين المغاربة، والتبرع بالدم: وقال ايضا: "ونتعاونو و نساهمو جميع فانقاذ الجرحى بالتبرع بالدم".
Nous vivons un moment difficile pour tous nos concitoyens. Il est temps de s'entraider pour sauver autant de vies que possible. Mes condoléances à tous ceux qui ont perdu un être cher ????????❤️????????
كنعيشو أوقات صعيبة و تفكيرنا كلو معا المصابين و عائلات الضحايا. نتعاونو و نساهمو جميع... pic.twitter.com/hGEubf2MAO
— Achraf Hakimi (@AchrafHakimi) September 9, 2023