صحيفة "ليكيب" على أشرف حكيمي: عمر باري سان جيرمان ماكان عندو ظهير أيمن بهاد النيڤو

أشادت صحيفة "ليكيب" الفرنسي بأداء الدولي المغربي، أشرف حكيمي، فنادي باريس سان جيرمان، من بعد شهر ونص على انضمامو للفريق.
وكتبات "ليكيب" على حكيمي: عمر النادي، فتاريخو، ماكان عندو ظهير أيمن بهذ المستوى، وبكفاءة هجومية بحال أشرف حكيمي.
وقالت "ليكيب" أن حكيمي جاب الفرحة والإيجابية لڤيستيير الفرقة، غير فهذ الفترة القصيرة اللي دخل فيها.
والبارح الجمعة، فماتش باريس سان جيرمان ضد بريست، تألق حكيمي، من بعد ما شغرك ف 2 أهداف من أصل 4، فمنافسات الجولة الثالثة من الدوري الفرنسي.
وفالماتش حكيمي شارك فالهدف الثاني عن طريق تمريرة، خلات كيليان مبابي يماركي بسهولة فالدقيقة 36، وكذلك شارك حكيمي فالهدف الرابع، من بعد هجمة مرتدة وحاسمة، خلات اللاعب الأرجنتيني آنخل دي ماريا يماركي فالدقيقة الأخيرة من الوقت الأصلي.
➕3️⃣???????? pic.twitter.com/TLIHmTOoBv
— achrafhakimi (@AchrafHakimi) August 20, 2021
واكدات "ليكيب" أن اشرف حكيمي قريب من مستوى لاعبين كبار فالفريق، بحال كيليان مبابي وبريسنيل كيمبيمبي، وهكذا غيولي واحد من المفضلين عند مشجعي باريس سان جيرمان.
https://www.lequipe.fr/Football/Article/Achraf-hakimi-une-prestation-galactique/1279530