الرجاء كيقلبو على صيغة لرحيل غاية مرباح

صبح لكول الجزائري غاية مرباح قريب بزاف من مغادرة الرجاء الرياضي، والالتحاق بفريق آخر يلعب معه الموسم المقبل.
وكشف مصدر مطلع، أن الجزائري غاية مرباح قرب يخرج من الرجاء الرياضي وبنسبة كبيرة غتكون عندو تجربة جديدة، خصوصا بعدما اتفق الفريق الأخضر مع الحارس أنس الزنيتي على تجديد العقد، والكول الجزائري عندو رغبة باش يلعب وما يكونش احتياطي.
وحسب نفس المصدر، راه إدارة الرجاء برئاسة محمد بودريقة كتدرس العروض المقدمة للنادي فغاية مرباح، وكيبحثو مع الكول الجزائري شي صيغة باش يمشي سوا إعارة لموسم واحد إلى أحد فرق البطولة أو يمشي بصفة نهائية لفريق خارج المغرب.
وكتهتم مجموعة من الفرق الوطنية بحارس مرمى الرجاء الرياضي غاية مرباح من بينها نادي اتحاد طنجة، اللي عبر على الرغبة ديالو باش يبقى معه بعدما لعب فالصفوف ديالو بريطي النصف الثاني من الموسم الماضي وساهم فبقاء الفريق بالقسم الأول.