المرض كيبعد الزنيتي على الرجاء ضد الفتح.. وها تشكيلة الخضرا فالماتش

غادي يعوض الدولي الجزائري مرباح غاية حارس الرجاء الرياضي الزميل ديالو انس الزنيتي فماتش الخضرا ضد الفتح هاذ العشية فتيران المركب الرياضي محمد الخامس بالدار البيضاء، فالجولة 7 من البطولة الإحترافية لكرة القدم.
وتعرض أنس الزنيتي لوعكة صحية مفاجئة من بعدما كان هو اللي غادي يلعب الماتش ضد الفتح، وبالتالي فمنذر الكبير غادي يعتمد على كل من مرباح غايا فحراسة مرمى الرجاء.
أما بالنسبة لباقي تشكيلة الرجاء ضد الفتح، فهي مكونة من الهدهودي، وحركاس، وبنتايك، والناهيري، واوهولو، ومكعازي، وزريدة، وبوزوق، وحدراف وبنجديدة.