الأهلي مرونين والمدرب ديالهم مبرزط قبل الفينال ضد الوداد

كاين ارتباك كبيرة داخل الأهلي المصري بسبب الإصابات اللي عند كوال الفريق، وهذا الشي قبل أيام قليلة من مواجهة الوداد الرياضي برسم ذهاب فينال عصبة أبطال إفريقيا.
وكيلعب الأهلي المصري الحارس الثاني للفريق علي لطفي فبلاصة الكول الأول والكابيتان ديالو محمد الشناوي اللي كيغيب مدة هذه حيث توعت، ولكن حتى البديل ديالو لطفي توعت البارح فالماتش بين الأهلي وإنبي برسم الدورة 29 من البطولة المصرية.
وحسب موقع "kora plus" المصري، راه الألماني مارسيل كولر مدرب الأهلي طلب من الطاقم الطبي للفريق المصري أنه يدير للحارس الثاني علي لطفي تشخيص بالأشعة ويكون دقيق بزاف، باش يعرفو كيف هي الحالة الصحية ديالو.
وكيجي هذا المستجد بالنسبة الأهلي المصري، في ظل الإصابة ديال محمد الشناوي الحارس الأول بالفريق، واللي مازل ما تحددش بالضبط امتى يقدر يرجع يحبس، والأهلي مازل له 2 ماتشات محليين قبل فينال عصبة أبطال إفريقيا ضد الوداد الرياضي.