الشناوي كول الأهلي: كنحتارمو الرجاء وخاصنا نربحوهم باش يسهال علينا الروتور بالمغرب

عبر محمد الشناوي حارس مرمى الأهلي المصري على الاحترام ديالو للرجاء الرياضي، وأكد أن الفريق ديالو غيدخل لماتش ذهاب ربع نهائي عصبة أبطال إفريقيا غدا السبت بالقاهرة، لتحقيق نتيجة إيجابية تسهل عليهم الروتور بالمغرب.
وقال الشناوي خلال الندوة الصحافية اللي كتسبق ماتش الاهلي والرجاء: "نحترم الرجاء وأي فريق منافس سوا من شمال إفريقيا أو غيرها، راه احترام المنافس كينعكس علينا في الاستعداد للمباراة".
وكمل لكول ديال الأهلي وقال: "كنوجدو للماتش ضد الرجاء مزيان ونتمناو الحظ معنا باش نديرو ماتش مزيان وكيليق بجمهورنا اللي غيكون معنا بالتيران".
وختم الشناوي: "نتمناو نفرحو جماهيرنا غدا ونخرجو بنتجية إيجابية تسهل علينا الاستعداد لماتش الروتور في المغرب".