الشناوي حارس الأهلي: كنشكر المغرب والشعب المغربي على استقبالهم لنا والمغاربة كان عندهم دور كبير فتأهلنا للربع

بادر محمد الشناوي حارس مرمى الأهلي المصري لشكر الجماهير المغربية اللي عونات الفريق ديالو ضد أوكلاند سيتي فأول ماتش لها فكأس العالم للأندية البارح بطنجة، وشكر المغرب والشعب المغربي على الاستقبال اللي دار للفريق ديالو.
وقال محمد الشناوي كول الأهلي المصري فتصريح له: "كنشكر الجمهور المغربي اللي ساندا فالماتش ضد أوكلاند سيتي، وكنشكر الشعب المغربي على حفاوة الاستقبال اللي دار لينا من أول يوم جينا فيه للمغرب وشكرا بزاف للمغاربة وهادشي ما غريبش عليهم وراني كنشكرهم بالنيابة على الأهلي وكنتمنى أنهم يجيو يشجعونا الماتش الجاي".
وكان الجمهور المغربي عندو دور كبير فتأهل الأهلي المصري إلى ربع نهائي كأس العالم للأندية، حيث شجعهو المغاربة فالتيران الفريق المصري ضد أوكلاند سيتي النيوزيلاندي، وقدر يربح بنتيجة 3 أهداف لزيرو.