مغرس : نتائج البحث عن الكاتب(ة) محمد سقراط

هاد الفلوس مطمورة عند الناس غير من سعد النصابة والشفارة وصحاب شركات التسويق الهرمي لي كيجمعوا الضحايا بالألاف وكل مرة كتبان وحدة وبنادم باقي مابغى يعيق خاص الدولة تحارب التعامل وحيازة الفلوس كاش لأنهم كيدمروا اقتصاد البلاد

نصاب واحد قدر يجمع تلاتة دالمليار غير من الدواور نواحي السطات، غادي تلقى أغلب لي نصب عليهم مستافدين من المساعدة ديال خمسمية درهم لي كتعطي الدولة للفئات الهشة، ومع ذلك الناس مستعدين يبيعوا أراضي جدودهم على ود الطاليان، طبعا من حق أي واحد يحلم بمستقبل (...)

محمد سقراط كود

25 - 04 - 2024

الى كان شي واحد علماني شد شي ألف دولار من الغرب فراه اللحايا والمتطرفين شدو الضوبل ديالها في مية وألف من عند السعودية ودول الخليج فاش كانوا كيدعموا النسخة الوهابية المتشددة من الإسلام وباغين يصدروها للعالم

بزاف ديال التعليقات في صفحة گود كتلقى فيها اتهامات لرجالات وأبطال الصف التنويري في المغرب كالبطل القومي احمد عصيد كيتاهموه بالعمالة للغرب وتلقي أموال ودعم خارجي من أجل نشر الأفكار التنويرية في المجتمع المغربي، وكاين إتهام واضح من طرف العمري وسمى فيه (...)

محمد سقراط كود

16 - 04 - 2024

عوض الدولة تسيفط أئمة للخارج باش تحصن الأمن الروحي للجالية المغربية راه خاص أولا تحصن المغاربة من تشدد الجالية وأفكار الجالية المشرقية وتحصن المغاربة من احتقار الذات قدام كل ماهو عربي وأجنبي

الدولة المغربية غادي تسيفط أئمة باش تحصن الأمن الروحي لمغاربة المهجر في رمضان، للأسف الجالية فات فيهم الفوت راه خاص الدولة تقاد أئمة هنا لتحصين المغاربة من عقيدة وأفكار وتشدد الجالية، راه الجالية من أسباب دخول التشدد والتطرف للمغرب ومن أسباب تقسيم (...)

محمد سقراط كود

11 - 03 - 2024

نهار الجمعة محسوب ظلما وعدوانا في المغرب على انه يوم عمل وهو في اقصى تقدير ربع نهار حتى لنص نهار ديال الخدمة ودابا داخل رمضان لي عبارة على شهر من يوم الجمعة مكرر

الدول الإسلامية في الشرق عندهم نهار الجمعة راحة ونهار الحد خدمة، والدول المسيحية والعلمانية في الغرب عندهم السبت والحد وراحة، والمغرب جاي في الوسط داير السيت والحد عطلة وزايد معاها حتى الجمعة ولكن غير بالريط وغير كعرف وصافي سنه الموظفون الكسالى (...)

محمد سقراط گود كود

05 - 03 - 2024

المغرب راه جنة ضريبية بالنسبة للمقاولين والشركات وصحاب المهن الحرة وجحيم ضريبي بالنسبة للموظفين ولي كتقطع ليهم الضريبة من المصدر.. أغلب فلوس المغاربة كاينة خارج البنوك وكيتداولوها المواطنين بيناتهم خارج الاقتصاد نوعا ما

المغرب راه جنة ضريبية بالنسبة للمقاولين والشركات وصحاب المهن الحرة، وجحيم ضريبي بالنسبة للموظفين ولي كتقطع ليهم الضريبة من المصدر، أغلب فلوس المغاربة كاينة خارج البنوك وكيتداولها المواطنين بينهم خارج الاقتصاد نوعا ما، عمليات البيع والشرا في النوار (...)

محمد سقراط كود

04 - 03 - 2024

أهم حاجة خاص تدير وزارة الصحة والمغاربة والحكومة هو حملة تحرير السبيطارات من سطوة رجال الامن الخاص. مايمكنش كيفاش الدولة سلمات منشآت حيوية لشركات الامن الخاص باش تولي هي الآمر والناهي والسلطة الوحيدة في السبيطار

، ومقابل صاليرات في الحضيض وتسنى منهم ماينوضوش يخلوضو ويقلبوها تسمسير وبيع وشرى في الحيين والميتين والكبار والصغار، ب2400 درهم للشهر في مدن بحال طنجة وكازا والرباط ومراكش راه خاصو يوليو بزناز في الأعضاء البشرية باش يكمل الشهر بالاظافة الى انه غير (...)

محمد سقراط كود

28 - 02 - 2024

بالنسبة للعيالات المغربيات الكاسك والتغوتينيت من اهم اختراعات لي خدمات تكافئ الفرص للمرأة مع الرجل من بعد أقراص منع الحمل طبعا

بزاف ديال الرجال لي كنشوفهم كيتحرشو في الزنقة في الغالب من التلاتينات وما فوق، اما هاد الدراري الصغار لي طالعين دابا قليل فين كيبانو كيتحرشو او يتلوطو وفي الغالب كتلقاهم غادين مع بنات معندهمش هاد المشكل وكيفضلو التطبيقات يتعارفوا فيهم على يبقا تابع (...)

محمد سقراط كود

21 - 02 - 2024

راه قيمة إنتاج أي حبة ديال الماطيشة في المغرب غادي تلقى واحد السبعين في المية منها تخلصات بالدولار والأورو وتستوردات من برا، المغرب يالله كيوفر الأرض ولما واليد العاملة الرخيصة لي كتموت في حوادث سير جماعية كل مرة وبعض الأسمدة من لو سي بي

المغرب كيعيش جفاف قاصح منذ سنوات، جفاف بحال هذا كون جا شحال هادي كانت غادي تكون كارثة ولكن لحد الآن لما باقي في الروبيني في أغلب المدن النهار كامل والخضرة رخيصة بزاف وهذا بحد ذاتو لغز، الجفاف كيعني سوء الموسم الفلاحي وقلة المعروض والندرة والغلا، (...)

محمد سقراط كود

18 - 02 - 2024

فاش كتدير معرض ديال الصناعة التقليدية النحاس او الجلد مثلا في مدينة لي معروفة بهاد الصناعة فراه كتقتل الصانع والتاجر عوض تروج ليهم راه عوض الزبون يهبط للمدينة ويتسارى ويستهلك ويروج كتنوض تعرض ليه حدا دارو بمعرض

فاش كتدير معرض ديال الصناعة التقليدية النحاس او الجلد مثلا في مدينة لي معروفة بهاد الصناعة فراه كتقتل الصانع والتاجر عوض تروج ليهم، راه لا يعقل أن التاجر او الصانع خاص غير يفوت الصور دالمدينة باش يبيع سلعتو، بينما هو كيعاني الازمة العام كامل، وعوض (...)

محمد سقراط كود

08 - 02 - 2024

كاين لي كيظن أن المغرب المنسي هو بوعرفة وأگدز وتازمانازت راه غير عين السمن وسط فاس مغرب منسي أكثر مرفق عمومي حداثة ورقمنة في المنطقة كلها هو السطافيط لي واقفة قبالت كوميسارية الوفاق

كاين لي كيمشي حتى لنواحي ايملشيل باش يصور شي دوار غير في الخلا ويكتب عليه المغرب المنسي، بينما گاع متحتاج تضرب هاديك الطريق كلها وسط الجبال والفيراجات آجي غير لعين السمن بفاس وغادي تلقى المغرب المنسي غير حداك وسط المدينة، ايملشيل راه قادو ليها طريق (...)

محمد سقراط گود كود

31 - 01 - 2024

الپاركينگات مصاوبين مقادين في المدينة العتيقة لفاس خاصهم غير يتحلوا ولكن الجماعة مصرة انها تخلي المواطنين عرضة لإبتزاز الزطاطة والشفارة وأصحاب السوابق يوميا

كاينة العطلة اغلب المدن السياحية في المغرب عامرة وفيها الرواج إلا فاس، هاد اليوماين هبطت للمدينة القديمة لفاس أجمل المدن العتيقة في المغرب وأكثرها غنى وثراء بالتاريخ والمواقع ومع ذلك خاوية والرواج فيها قليل، اول موشكيل غادي تلقى هو فين تحط الطوموبيل (...)

محمد سقراط كود

25 - 01 - 2024

للأسف مالين الحوانت مطوروش من المجال ديالهم باش يقدروا ينافسوا الأسواق المنظمة بسباب العقلية ديال التمانينات والتسعينات لي خدامين بيها والعقلية ديال طفي الثلاجة حتى لشهر تمنية وشعلها وجيب السلعة لي فيها الروميز وقيد الباكية دأتاي وشد في القالب

بحكم أنني كبرت بياع وشراي وهادي مهنة الواليد لحد الآن، ديما كان عندي تعاطف زايد معاهم ومبدأ أنني نتقدى من عندهم هوما اللولين، وأي حاجة كاينة في الأسواق الكبرى وتكون في الحانوت حدايا نفضل ناخذها من الحانوت، وكذلك الأمر مع الخضرة والحوت والديسير وباقي (...)

محمد سقراط كود

20 - 01 - 2024

الغلاء زين ونعمة من عند رب العالمين لأنه كيهذب الخلق خصوصا الفئات الهشة لي حتى هي كتمارس حقها من التبذير اليومي والشكوى

الغلاء زين ونعمة من عند رب العالمين، لأنها تهذب الخلق خصوصا الفئات الهشة لي حتى هي كتمارس حقها من التبذير اليومي والشكوى، قبل كورونا واحد العام كانوا الحمضيات مابغاهم بوبي، تلاتة كيلو بعشرة دراهم حدا باب الدار، كتلقى الپيكوپات قبالت الجوامع وفي (...)

محمد سقراط كود

14 - 01 - 2024

المغرب ضرباتو كورونا وضربوا زلزال والجفاف ومع ذلك قدريتغلب على أضرارهم ولكن أضرار الفساد عميقة وكبيرة وعابرة للزمن وللأجيال وهي لي خلات برامج بحال أسواق القرب وأوراش والمبادرة الوطنية ماتكونش نتائجهم كيما كنا نتسناو

واحد من أهم مشاكل هاد البلاد الحقيقية هو الدعم ديال الدولة وفلوس الدولة, وكيفاش أي مبادرة كتديرها لدعم الطبقات الهشة مكتنجحش, وكيستافدو منها غير لي ممحتاجينش كيراكموا ثروة خرى فوق الثروة لي عندهم, وفاش كتنوض شي احتجاجات ضد الغلاء أو من أجل الدعم، (...)

محمد سقراط كود

13 - 01 - 2024

المنع كيأدي ديما لظهور العصابات المنظمة والفساد في المحاكم وعند السياسيين حيت صعيب تقاوم الفلوس الباردة، خاص ضروري من التقنين بمراقبة الدولة، أما محدو الحشيش ممنوع قانونيا فراه غادي يتشد المالي يبان السوداني يتشد يبان التشادي وهي غادا الى يوم الدين

ولايات عديدة في أمريكا قننات إستعمال القنب الهندي للترفيه، والنتيجة هي ولايات بلا بزنازة والجريمة قلالت والعائدات الضريبية وفرص العمل القانونية والحركة الاقتصادية تزادت والصحاب التبزنيز وتبييض الأموال قلالوا، المغرب واحد من أكبر منتجي هاد المادة في (...)

محمد سقراط كود

11 - 01 - 2024

بالنسبة ليا كاين شريط جغرافي تكثر فيه مظاهر التشدد كيبدى من الريش مرورا بالراشيدية تينفير وارزازات تارودانت تيزنيت وكيكب في محيط أكادير وكتعاني منو هاد المدينة والمغرب كامل حيت لا يعقل تشوف أمازيغيات حرات لابسات الحجاب ديال عشوائيات مصر في قرى الريش

بزاف ديال الإرهابيين والمتشددين والإسلاميين لي كانو تتابعوا في قضايا ديال الإرهاب جاو من الأحياء الهامشية في كبريات المدن من غير الصحرا حيت صحراوة من ناحية التدين باقين على فطرة الدين الحق وشادينها منين خفافت، كاين مدن لي تعرفات بالمتشدين سابقا (...)

محمد سقراط كود

01 - 01 - 2024

خاص شي طريقة لي تخلي المغاربة يحسو بلي لما ساوي الثمن ومادة نادرة وهذا عبر رقع ثمنه لأقصى حد بالنسبة للإستغلال العادي وللفلاحي والترفيهي، طبعا مع مراعاة فروقات الدخل

المغرب كيعيش جفاف قاصح بزاف، باقي الناس مكتخليش الكسيبة تموت في الخلا، والناس يموتوا بالمجاعة ولكن راه احتمال كبير أن لما يتقطع في الصيف، ويكفي أنك تشوف المغرب في الخريطة وغادي تعرف أنه من أكثر الدول مهددة بالجفاف وغادي يعاني بسباب الاحتباس الحراري، (...)

محمد سقراط كود

23 - 12 - 2023

شكون هاد المسؤول العبقري في مدينة فاس لي قاليه راسو يشد الطريق لي كتوصل لسبيطار الغساني عاد تصاوب من بعد سنوات وهو مخرب ويعمرو ضوضانات راه غزة ومافيهاش هاد الحالة.. فاس واخا مدينة عريقة وعاصمة للمغرب سابقا كيتم تسييرها بحال قرية بامحمد أو تيسة

فاس مدينة عجيبة، كتلقى ولاد هاد المدينة في مراكز المسؤولية في المدن الكبرى وخصوصا طنجة ومشرفين على المشاريع وخدامين بالنية، وهنا نيت كتلقى ناس قاريين واعيين فاهمين ولكنهم قلة، ومع ذلك، فاش كتشوف حال المدينة وطريقة التسيير ديالها بحال إلى ماشي أعرق (...)

محمد سقراط كود

22 - 12 - 2023

دابا بغينا نفهمو واش بصح رجال الداخلية محصنين ضد الفساد كما يبدو من خلال المحاكمات القليلة لي كيخضعوا ليها وهذا كيخليهم الأجدر بتسيير الشأن العام عوض المنتخبين لي كل مرة كتشد منهم عصابة كتبدى من مستشار جماعي وكتسالي في وزير

حاليا في مدينة فاس العاصمة التاريخية العلمية والروحية للمغرب الكبير تقريبا كل شهر كيتشد شي منتخب متزعم عصابة ديال الفاسدين وكيمشي للحبس وكيدي معاه النص ديال موظفي الجماعة والمهندسين والمقاولين للحبس، وحاليا راه قريب يمشي فاس كامل للحبس، كنظن أن (...)

محمد سقراط كود

16 - 12 - 2023

في 2014 كانت الحرب على غزة بحال ديال دابا وماتوا فيها كثر من ألفين ديال الناس، كانوا العدالة والتنمية في الحكومة داك الساعة واش وقفوا المهراجانات وكل مظاهر الاحتفال مما يدعون اليه دابا؟ طبعا لا. بل نظموا هوما نيت مهرجان تضامني مع غزة

ودارو مسيرة وكيما العادة ديال شنو كيدار في حدود الممكن في مثل هاد الاحداث، وطبعا إسرائيل دارت داكشي لي خططات ليه ودازت الوقت والعدالة والتنمية هوما لي سناو معاها اتفاقبة ابراهام، ونساو كاع هاد المسيرات لي دارو وبرلمانييهم مسمهناش ليهم الحس حتى طلع (...)

محمد سقراط كود

06 - 12 - 2023

واش التلاميذ المغاربة معندهمش أولياء الأمور لي يدافعوا على حق ولادهم في التمدرس، وينظمو اشكال احتجاجية ويكونوا حتى هوما طرف في الصراع الدائر بين المعلمين والدولة عوض يكونوا ورقة ضغط من قبل أحد الأطراف

، كنشوفوا مسيرات مليونية لنصرة غزة بينما ماشفناش حتى ربعها لنصرة أبناء المغاربة لي باقي مدارو حتى امتحان منذ بداية السنة الدراسية بينما خوتهم في الخاص قربوا يكملوا الدورة وفي بعض المستويات غادي يظطرو يبقاو يتسناو صحاب العمومي باش يدوزو الامتحانات (...)

محمد سقراط كود

02 - 12 - 2023

علاش باقي الطاكسي تابع لوزارة الداخلية واش هو بوليسي ولا قايد أو مقدم أو مخابرات أو مخبر راه أي مواطن خاصو يشوف جريمة ويبلغ عليها ماشي بالضرورة يكون تابع للداخلية والدعم يشدو من وزارة النقل والولاء ورخصة الإستغلال والمسائل التنظيمية للداخلية

المغرب غادي ينظم كاس العالم وقطاعات كثيرة غادا وكتطور باش تواكب العصر وتواكب تنظيم مثل هاد التظاهرات، إلا قطاع الطاكسيات في المغرب مصرين يبقاو خدامين بالطرق القديمة ويحاربوا أي واحد جاب شي فكرة جديدة بغا يخدمها، باقي لحد الآن في العصر لي يمكن تدير (...)

محمد سقراط كود

22 - 11 - 2023

فاش عامل النظافة كيدير إضراب وتغرق المدينة في الزبل او صحاب الكاميوات يوقفوا النقل في المغرب ويتزاد في ثمن السلعة أو الأطباء والفراملية والفرمسيانات عمرهم كيتلامو بشكل مباشر حتى كيدير المعلم الإضراب عاد كتولي مشكلة شخصية ديالو في مواجهة باقي المغاربة

أغلب الأساتذة لي كنعرف أو لي ساكنين معايا في العمارة ولادهم كيقراو في الخاص، وماشي غير الأساتذة حاليا جميع فئات الشعب ولات كتقري ولادها في الخاص وكل واحد وجهدو، خصوصا وأن الولاد ولاو استثمار حاليا وبزاف ديال الناس عوض يديرو مشروع كيفضلوا يستثمروا في (...)

محمد سقراط كود

20 - 11 - 2023

السائح فاش يكون جاي لمدينة فاس خاص يدير في بالو بلي بحال الى جاي لشي سوق أسبوعي في البادية نواحي تيسة كيحلو مع الصباح ويسدو مع المغرب، وهذا هو الوضع الحقيقي للمدينة القديمة بدون مبالغة باقا تابعة للتوقيت ديال ما قبل اختراع الكهرباء

، عمري شفت مدينة سياحية أو تطمع لذلك كتسد مع المغرب بحال شي سوق اسبوعي في الرحامنة، لاش غادي يجيو هاد السياح وهوما خاصهم يتبعو التوقيت ديال الدواور وعند بالهم راه جايين لمدينة، راه القهوة وكتبقى في الدوار حتى للجوج دالليل بينما فاس وحدة من اعرق مدن (...)

محمد سقراط كود

18 - 11 - 2023

هاد الحملة ديال التخوين دكل من هو غير مقاطع وغير متعاطف راه خطيرة وغادا وكتحول من عنف رمزي يمارس في مواقع التواصل لعنف على أرض الواقع كيتمارس في حق المواطنين، وزايدون هاد ماكدونالد الى كان كيدعم إسرائيل فراه كيدعمها ديما حتى من قبل الحرب

المقاطعة هي أسمى فعل احتجاجي باقي يقدر يمارسوا المواطن في سلام وهدوء ومعندو حتى شي خطر على سلامتو الجسدية والصحية، وطبعا المقاطعة خيار فردي كيتمارس جماعة في بعض الأحيان، شحال من واحد فينا مقاطع منتجات او محلات او أشخاص بشكل فردي، كاين لي مقاطع مول (...)

محمد سقراط كود

11 - 11 - 2023