ريال مدريد يتجاوز سوسييداد ويبلغ نهائي كأس إسبانيا    إعلام الكابرانات ومحاولة التشويش على المنتخب الوطني    شرطة تامسنا تكافح "الكريساج" وتوقف قاطع طريق من ذوي سوابق قضائية    الجيش الملكي يسقطُ برباعية أمام بيراميدز ويعقد مهمته في دوري الأبطال    المغرب يسرّع استكشاف 44 موقعًا معدنيًا استراتيجيًا لتعزيز مكانته في سوق المعادن النادرة    الدورة 39 لجائزة الحسن الثاني الكبرى للتنس.. المغربيان إليوت بنشيتريت ويونس العلمي لعروسي يودعان المنافسات    كرة اليد.. المغرب يستضيف النسخة الأولى من بطولة العالم لأقل من 17 سنة ذكورا من 24 أكتوبر إلى 1 نونبر 2025    الادخار الوطني بالمغرب يستقر في أكثر من 28 في المائة على وقع ارتفاع الاستهلاك    مركز يحذر من ترويج "كذبة أبريل"    "أوبك+" تبدأ اليوم في زيادة إنتاج النفط مع بدء التخلص التدريجي من التخفيضات الطوعية    قرار منع تسليم السيارات خارج المطارات يغضب مهنيي التأجير في المغرب    موعد جلسة مغلقة لمناقشة نزاع الصحراء في مجلس الأمن الدولي    كأس أمم إفريقيا لأقل من 17 سنة (الجولة 1/المجموعة 3).. منتخب السنغال يفوز على نظيره الغامبي (1-0)    مؤسسة محمد السادس لإعادة إدماج السجناء.. تلاقي وتواصل والتئام حول موائد الإفطار طيلة شهر الصيام بعدد من المؤسسات السجنية(بلاغ)    19 قتيلا حصيلة حوادث السير بالمناطق الحضرية ‏خلال الأسبوع المنصرم    إسبانيا تخصص أزيد من نصف مليون أورو لدعم خدمات النظافة بمعبر بني أنصار    الإسبان يقبلون على داسيا سانديرو المصنوعة في طنجة    "تافسوت" ترفض "التأويل السياسي"    بلجيكا تشدد إجراءات الوقاية بعد رصد سلالة حصبة مغربية ببروكسيل    مجلس الحكومة سيصادق يوم الخميس المقبل على مشروع قانون يتعلق بالتعليم المدرسي    مزور: تسقيف الأسعار سيضر بالعرض والطلب ولن يحل مشكل الغلاء    السلطات البلجيكية تشدد تدابير الوقاية بسبب سلالة "بوحمرون" مغربية ببروكسيل    أجواء من الفرح والسرور ببرنامج راديو الناس احتفالا بعيد الفطر رفقة مجموعتي نجوم سلا والسرور (فيديو)    "مجموعة العمل من أجل فلسطين" تدعو لمسيرة وطنية بالرباط دعما لغزة    ترامب يهدد بسحب مليارات من جامعة هارفرد بسبب وقوف الطلبة ضد الحرب على غزة    وفاة أحد رواد فن المديح وإصابة 6 آخرين في حادثة سير بالرباط    الذهب يسجل أعلى مستوى له بسبب المخاوف من الرسوم الجمركية الأمريكية    دراسة معمارية لإنجاز المدخل الثالث لميناء أكادير بما يقارب 20 مليون درهم    5 نقابات تعليمية: الوزارة تستهتر بالتّعليم العمومي وتسوّق لإنجازات لا وجود لها في الواقع    الذهب يسجل أعلى مستوى له بسبب المخاوف من الرسوم الجمركية الأمريكية    تبون يعود إلى التراجع أمام فرنسا رغم تأكيد اعترافها بمغربية الصحراء    ارتفاع ضحايا غزة إلى 1042 شهيدا منذ استئناف اسرائيل عدوانها بعد الهدنة    أغنية تربط الماضي بالحاضر.. عندما يلتقي صوت الحسن الثاني بإيقاعات العصر    هذا موعد رجوع المغرب إلى الساعة الإضافية    أكثر من 122 مليون مسلم قصدوا الحرمين الشريفين في رمضان    أسعار الوقود بالمغرب تسجل انخفاضا طفيفا ابتداء من اليوم    بعد 13 يومًا من البحث.. العثور على جثة الطفل الراجي في وادي أم الربيع    المملكة المغربية تجدد الدعم لاستقرار إفريقيا    نائب في حزب الله يصف الضربة الاسرائيلية على ضاحية بيروت الجنوبية ب"عدوان الكبير جدا"    بعثة نهضة بركان تصل إلى الكوت ديفوار استعدادا لمواجهة أسيك ميموزا    ارتفاع حصيلة ضحايا زلزال ميانمار إلى 2065 قتيلا    طقس الثلاثاء: سحب كثيفة مع هبوب رياح قوية    يوسف أيت أقديم يكتب: هل تٌنذر إدانة مارين لوبان بنهاية الديمقراطية في فرنسا؟    الجيش يختتم الاستعدادات في القاهرة    العيد: بين الألم والأمل دعوة للسلام والتسامح    القهوة في خطر.. هل نشرب مشروبًا آخر دون أن ندري؟    أجواء روحانية في صلاة العيد بالعيون    المصور محمد رضا الحوات يبدع في تصوير إحياء صلاة عيد الفطر بمدينة العرائش بلمسة جمالية وروحية ساحرة    طواسينُ الخير    لماذا نقرأ بينما يُمكِننا المشاهدة؟    ما لم تقله "ألف ليلة وليلة"    إشباع الحاجة الجمالية للإنسان؟    الموت يفجع الكوميدي الزبير هلال بوفاة عمّه    دراسة تؤكد أن النساء يتمتعن بحساسية سمع أعلى من الرجال    منظمة الصحة العالمية تواجه عجزا ماليا في 2025 جراء وقف المساعدات الأمريكية    تعرف على كيفية أداء صلاة العيد ووقتها الشرعي حسب الهدي النبوي    انعقاد الدورة الحادية عشر من مهرجان رأس سبارطيل الدولي للفيلم بطنجة    الكسوف الجزئي يحجب أشعة الشمس بنسبة تقل عن 18% في المغرب    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



مصطفى السدالي (علال) في حوار مطول مع الرأي يكشف أسرار حياته الخاصة
نشر في الرأي المغربية يوم 06 - 11 - 2014


سي علال السلام عليكم
ألو
كيدير اسي علال لباس عليك ؟
كيدير اخويا بيخير
على السلامة .. قالو لينا شدوك الأمن ؟
لا علاش غدي يشودوني مالي اش عامل ؟ انا غير مغامر ( يضحك ) وغدين يشدوني ؟
اشنو سولوك ملي داوك البوليس ؟
مشي شي حاجة غير كيقولو ليا عود لينا زعما كيفاش سرحتي دوك لقوادس وكيفااش هدي وكفاش وقع ..
واش قالو ليك علاش سرحتي لقوادس ؟
لال والو هما غير سولوني كيفاش سرحت دوك لقوادس واش جاتك الغيرة على داك الشي واش كدير شي حاجة في دماغك ( يقصد تناول المخدرات) قلت ليهم انا هبطت للقادوس بدون شعور
وكيفاش جاتك الفكرة تسرح لقوادس بديك الطريقة ؟
بانو ليا الناس غارقين بالماء ما عقلت على راسي هبطت للقادوس كلي وسرحتو داك الشي عندي هواية أنا ، وقبل ما نهبط له، بالثقة بالنفس عرفت باني غدي نسرحهم ،
ملي هبطتي للقادوس تسرح ؟
أنا سرحت 5 قوادس كاملين ديك النهارالي كانت فيه الشتا ، الدنيا نشفات من الماء ما بقا لا ماء لا والو .. القوادس كانو مسدودين بالحجر والميكا والزبل حشاك
دبا هدي مهمة الشركة و مادروهاش ياك ؟
اوا حنا عندنا في لبلاد لقوادس غير صغار، الى كانت شي عاصفة في لبلاد تمشي فيها القارة كاملة ، ما نكدبش عليك ، لقوادس صغار القادوس ما يخرجكش نتا ، خاصنا قوادس كبار لقادوس لي تمشي واقف فيه كينا ولا ما كيناش
واش عرفتي بأنك وليتي مشهور في المغرب ؟
كاع لي يشكرني ولي كيقول عليا شي حاجة زوينا ، بحال خوتي وحتا انا بحال خوهم ..
اشنو اسمك الاصلي واش علال نيت ؟
لا انا سميتي سملالي مصطفى
والقب ديالك ؟
اللقب ديالي هو "العود" وكين لي كيلقبني "بعلال لقليب "
علاش كيلقبوك بعلال لقليب ؟
حنتاش انا درويش داخل سوق راسي ، فهمتيني ، ما كينش لي كينعت فيا هنا خيب ، لا مراة لا رجل لا كبير لا صغير، 6 سنوات وأنا هنا في هاد الحي عمر شي واحد نعت في خيب ..
قال ليا بانك عزيز عليك بريسلي ؟
اه بالصح عزيز عليا بريسلي وعزيز عليا جاكي شان وطيزن وعلي كلاي وفاندام هدو هما لي عزاز عليا بزاف ، عرفتي علاش عزاز عليا حنتاش هادو كيترينيو..
الاصل دالك منين اسي مصطفى ؟
انا ولد قلعة السراغنة
شحال عندك من عام ؟
ازددت في 1968
اشنو الحرفة لي كتشتاغل فيها ؟
انا الحرفة ديالي كنشتاغل في الحمام فرناتشي ، انا لي كنشعل العافيا في لعواد باش يسخن الماء لي كيعومو بيه الناس ..
نت قديم في هاد الحرفة ؟
وراه انا من السبعينات وانا فيها ، ولد 15 عام وانا خدام في هاد الحرفة ..
قالو لينا انك ديما كتقدم يد المساعدة للناس في الحي ؟
انا اي حاجا كنغامر فيها .. كتبان ليا شي بوطة شاعلا في شي دار، وما كاد عليها حتى شي واحد ن كندخل لبوها وكنلوحها من الشرجم ، ولا شي واحد ركبت ليه العافية في الطنوبيل وداخ ، نحيد حويجي ونبدا على بوها ونطفيها، عارف ليها القالب كي داير ..
واش ديما كتسرح لقوادس لي كتلقاهم مبوشين ؟
هاد الشي لي درت دبا مشي اول مرة ، سبق ليا درتو في كازا في الحي المحمدي درب مولاي الشريف ، كان الفيضان والماء دخل على عباد الله وعاوتاني نفس المشكيل وسرحت ليهم القادوس ..
علاش كتسرح لقوادس واش هواية عندك ؟
ما نكدبش عليك داك الشي معطيني من عند الله ، القادوس انا قبل ما نهبط ليه ، غير كيشوفني كيطلب الشرع ، داك الشي ديال الله ..لقوادس قبل ما نهبط ليهم كنعرفهم غدي نسرحهم ..
دبا قوة البشار كيتفرج ويشوف ، الى ما سرحتش القادوس ما غديش نبقا بطال ، كينا ولا ما كيناش ؟
دبا ملي سرحتي لقادوس حسيتي براسك بطل ؟
ما نكدبش عليك انا بلا قوادس بلا والو انا بطال.. وأي مغامرة نغامر فيها فيما كانت شي
.. حاجا خطر نتوجه ليها انا
فيما كانت شي حاجا انا الأول نزعم ، ركبت لعافيا في الدرب ، وجات البومبيا هنا، وبقاو غير كيدورا هنايا بالحيوط، وانا زعمت وحليت ليهم الباب هنا عندنا في الدرب، ما خفت لا من دخان لا من والو ..
دوك لي شافو الفيدوات ديولك وضحكو عليك اشنو تقول ليهم؟
هدوك لي شكروني هادوك بحال خوتي والعيالات بحال ماتي.
ولي ماشكرونيش انا بطل عليهم.. وراجل عليهم ..صاكي فوك كتافي ..ومن بلاد لبلاد..
عندي جوج سروال قميجة وتريكو هوما لي كنكساب
معندكش الحوايج؟
معندي لا صاك لا حوايج لا والو .. ديما انا حياتي بحال هاكا .. جوج سراول وقميجة وسليب ..
ومخفتيش يضربك البرد ملي شتا كتصب ودخلتي للقادوس؟
بغيت ننعس بالليل شدني لاكريز من رجليا من صباعي ومن يديا ن وبقيت مغطي بالكاشا
مرضتي؟
مصبحتش خدام صبحت مريح ، صبح وحد خور خدام ورا هو لي خلصو ومعطين هاد النهار تا واحد شي حاجة فهمتيني
أه ..
دبا تجرحت من فخادي ورجليا ولكن هانيا داكشي
انا كنهضر معاك بحال لعودة دابا
تجرحتي؟
اه تجرحت من فخادي ومن يدي ومن رجليا
وديك الريحة ما أثرتش فيك ديال القادوس ؟
دخلت الحمام وعمت ، وملي بغيت نعس لقيتها باقا فيا ريحت القادوس.. القادوس راه فيه 30 مترو وغارق ، دخلت ليه كان بغا يمصني يديني ، وشديت في الحديدة ،ميدينش بوه بغا يلعب بيا ، لعب معاه ..يطيح درابو ديالي ، قادوس يضحك عليا؟
دبا هاد الفيديو ملي تشهرتي فيه ولا كيجيو عندك مسؤولين كيسولو فيك ياك ؟
(ماشي كيجوني المسؤولين كيجوني عالصوحافة كل واحد كيجي من بلاصة كل واحد باغي المقال ديالو )هدشي لي غنكوليك انا
والبوليس ؟
كالو لينا كيفاش هبطتي ؟ ككيفاش تشجعتي ؟ هضرو معايا زوين حتا أنا ما طمعت فيهم ما والو.. مكنكول تا واحد شي حاجة
اشنو الهواية ديالك اسي مصطفى ؟
الهواية ديالي المغامرة . اي مغامرة نغامرة فيها انايا .. على الشعب وعلى الصبيان وعلى العيالات وعلى الحومة .. انا غير براني وجاتني الغيرة على هاد الدرب.. هدا كيجو كيصورة وكيكركرو تا واحد ما دار شي حاجة ..
ونتا فين ساكن اسي علال عدك شي بينت شي دار فين ساكن ؟
15 عام وأنا فارق واليديا .. ماكنكساب ماكنعلام ..جوج سراول هوما لي كنكنساب معندي تاشي حاجا ..واصلاني تال لعظم منكدبش عليك ..
ولا بغيتي توجه رسالة الملك اش تكول ليه ؟
الرسالة اش كتكول ليك انا مبغيت والو شحال منواحد كيجي يكوليا اشنو بغيتي نعطيك
كتكول لبيهم شتي وخا يعطوني رموك ديال الذهب كنكول ليهم دكشي معندي مندير بيه انا
شتي دبا وحد 3 سنين ولا 3 سنين ونص حلمت بالملك جا لعندي ونزل من الطوموبيل مني نزل من طوموبيل لابس جلابة بيضة وبلغة وتقاشر بيضين ودير العصابة فوك راسو مهضر معايا متكلم معايا مسلمت عليه مسلم عليا جبد من جيبو ورقة خضرة فيها تلاثة الحروف ربعتاش سبعة حداعش في هديك الورقة زرقىة درت في جيبي .. كنطالب بهاد الحلمة لي حلمت يفسروها ليا العولامة ..
اشنو رسالة لي بغيتوجه للملك الى تلاقيتي معاه تقوليه ؟
الرسالة لي نوجه ليه القوادس عندنا كلهم صغار الى كانت شي عاصفة خطيرة المواطن كلشي ياكلها .. اشنكوليك البرويطة ميدخلهاش القادوس .. خصهم يديلروقوادس كبار ..الطوموبيل تم غاديا مع القادوس .. الى كانت شتا كثيرة معمرهوم يتسدو ، القوادس صغار خصهم قوادس كبار ..
شي رسالة اخرى ؟
الله يطول ليه العمر ديالو والله يغلبو على ولاد الحرام و الله يغلبو عاليهود والله يغلبو عالعديان ..
كوليا سي مصطافا سبق ليك دخلت المدراسة ؟
منكدبش عليك معمري دخلت لا جامع لا مدرسة لا والو والديا فقرا مهندهومش يالا ه مكافيين عا مع روسهم ..
مزوج؟
مزال تالهضرة كتغلبني منكدبش عليك ..معنديش الدريجية ديال الهضرة .. صراحة نكولها ليك انا بحال خوك كنهضر معاك ..
لكن الى كنتي نتا مسؤول ولا وزير اشنو ممكن تدير ؟
انا لي غندير منكدبش عليك ، غنتكلف بهادشي ديال القوادس باش كلهم يحيدوهم ديول الرباط كاملين تا قادوس ميبقا ونديرو كبار هذي هي الحكومة ديالي انا ..
اشنو الأحلام ديالك ؟اشنو باغي تحقق في حياتك ؟
الي كنحلم الحياة ديالي كون دبا را بولادي ، امي مفروقة مع با ، وتزوج مرة اخرى ، كبقا فيا الحال وتمشكلت وليت بحال الحمق .. باقيين بانيين في العروبية غير بالغيس.. منكدبش عليك ..ونا كيبقى فيا الحال وداكشي لي وقع لمي مع با وكنبقا نرد لقلبي .. راس شاب غا بالغدايد وليت بحال الحمق ..صراح نكولها ليك حيت الناس ملي شافوني هبطت داك قادوس قالو هداك حمق الله يسامح ليهم ..
شحال كتخلص في الخدمة ؟
100 درهم من 7 صباح تال10 ديال الليل .. كنشعل العافية في الحمام والعافية كتاكل لينا مخ ديال روسنا ..وعينينا مكنشوفش بيهم مزيان ،حيت العافية كتعمي لبنادم العينين
دبا انا راني ما كنشوفش مزيان النظر ناقس عندي ..


انقر هنا لقراءة الخبر من مصدره.