كلام الوالدين

زجل
كلام الوالدين
دجنات عبد العزيز
*********
كثر لكلام فبيتنا عليها
قالوا لي ابغيناها ليك
ما عندك ما تعيب فيها
زينة فنة وتواتيك
زينها ما يخفاش عليك
كثر لكلام فبيتنا عليها
قالوا لي نخطبوها ليك
بنت جيرانا وعلى صواب فيها
وديما كتسولنا عليك
باينة فيها عينها فيك
لا تقول ما قلناها ليك
دير بكلامنا يرضي عليك
إلى قبلتي ولدنا ونبغيك
والى رفضتي ما حنا والديك
ارسل ليها مع اختك تخبرها
تقول ليها خويا باغيك
تشاورها فأمرك تقنعها
انشا الله تكون حظك وتجيك
انشا الله فيها يسخر ليك
انشا الله نفرح بيها وبيك