دير الخير

إِلى لْقيتي تدير الْخيرْ ديرو ونساه
راه اليوم ولاَّ بعدو غادي تلقاه
ولي صام وصلى غير كيخلص كراه
عنداك يغويك الشيطان وتبعو في هواه
راه يتلف ليك راس الخيط عمرك ما تلقاه
ربي خلق بنادم ونزلو للأرض ووصاه
وباش يجربو نزل الشيطان معاه
قنع يا بنادم ف الدنيا بما عطاك الله
شوف الجمل قداش والشوك هو غذاه
و شوف البحر قداش وما تشرب من ماه
شحال من واحد جمع مال الدنيا وما كفاه
ونهار مات دفنوه وخلا كلشي وراه
لا يغروك صحاب المال والسلطة والجاه
راك شتي شحال من واحد ضربو الله
والى ضاق بيك الحال راه الصبر هو دواه
وكيقولوا لي صبر راهة ديما ربي معاه
والسيف ديما معلق وداخل ف جواه
ما يتكلم ما يتقلق غير إلى جبدو مولاه
وصاحب السوء ديما بعد من حداه
راه الديب الفوق والخروف تحتو عكر ماه