سيناريو رحمة والمكتوب-جزء7

أمام غرفة نوم رحمة يقف المكتوب مع سالم ،متأثرين من
صراخ رحمة المتتالي.
المكتوب: ياربي تجيب السلامة، خفت غير لتوقع ليها واه أكتر
من ساعتين وهي تاتغوت .
سالم : ما تخافش دروك كولشي يدوزعلى خير، الله يسمح لينا
من حق الوليدين..)يقطع كلامه صراخ مولود يقترب من المكتوب ويحضنه(
مبارك و مسعود، ها أنت وليتي أب
المكتوب: )يمسح الدموع من عينيه( الله يبارك فيك أسي سالم.
زهرة : ) تخرج من غرفة رحمة مبتسمة ( المكتوب ،عطاك الله وليد
مبروك.
المكتوب: الله يبارك فيك )بلهفة وارتباك( و رحمة كيف بقات؟
زهرة : لاباس عليها واحد الشوية تخرج من عندها القابلة و
ودخل شوفها راه تعدبات مسكينة.
تذهب زهرة في اتجاه المطبخ ،بينما يعود المكتوب لمعانقة سالم.
-مشهد31 -غرفة نوم رحمة -نفس الليلة بعد ساعة
يدخل المكتوب إلى الغرفة فيجد رحمة نائمة على السرير بجانبها
تجلس زهرة وهي تلاعب الوليد .
المكتوب: الحمد لله على سلامتك أرحمة
رحمة : الله يسلمك.
زهرة : )تقدم الوليد إلى المكتوب( هاك قول بسم الله
المكتوب :بسم الله الرحمان الرحيم)يرفع رأسه وينظر إلى رحمة (
شحال زوين، تايشبه ليك أرحمة.
زهرة : لا مازال ما غدي يبان دبا، باقي صغير.
المكتوب: غادي نسميه الطيب على أسم جدو.
رحمة : )بأسى( كنت تانتمنى يكون الحاج معانا دبا.
المكتوب : )يعيد الوليد إلى زهرة( الحاج ديما فقلبنا ما عمرنا غادي
ننساوه.
زهرة :الله يخليكم لبعضياتكم
رحمة :ربي يخليك أخالتي ،)تنظر إلى سالم( خود الوليد أعمي
سالم أودن ليه فودنيه راك بحال جدو.
سالم : )يمسك الوليد بحنان( وخا بسم الله )يقترب من أذنه(
الله أكبر ،الله اكبر...
- مشهد32 - أمام باب السجن- الصباح بعد ثلاث سنين
يخرج عمر ابن سالم )شاب في بداية الثلاثينات قوية البنية
متوسط القامة له شارب كثيف( ، وصديقه حسن )شاب يتقارب
في السن مع عمر طويل القامة نحيف( من بوابة سجن
المدينة،ويغلق خلفهما باب السجن،يبتعدان بعض الخطوات
فيتوقف حسن .
حسن : )يرفع يديه معا إلى الأعلى ثم يضمهما خلف قفا رأسه(على سلامتك
أعمر.
عمر :) يلقي نظرة خاطفة لبوابة السجن ،يتنهد ثم ينظر إلى حسن( الله يسلمك
أحسن أو حتى أنت على سلامتك،)يعود للنظر إلى بوابة السجن( خمس
دازت بحال إلى دوزنا عشرين عام.
حسن : )يحرر يديه ويضع إحداها على كتف عمر( ايوا الله يجعلها مغفرة
الذنوب) ثوان من الصمت( أش ناوي تدير دبا ؟
يخرج عمر من جيب بدلته الجلدية علبة سجائر ،يناول إحداها
لحسن ويشعل أخرى.
عمر: غادي نمشي للبلاد و نطلب السماحة من الوالد، غادي نبوس
ليه أيديه و رجليه، كون سمعت لكلامو)يشير بيده ناحية بوابة السجن( ما
نوصلش لهنا .
حسن : )ينف دخان السيجارة ناحية باب السجن (لي مكتاب على الواحد لازم
يصرفو.
عمر : )يمسك بيده حقيبته المعلقة على كتفه( توحشت الوالد و الوليدة ،و
رحمة.
حسن :)يضع يده الماسكة بالسيجارة على جبهته( قلبتي ليا راسي بهاد
رحمة ديالك ،واه خمس سنين و أنت تاتكلم عليها.
عمر : )يبتسم و يضع يده على كتف حسن( أول حاجة غادي ندير إلى
وصلت ، نطلب الوالد يخطبها ليا من الحاج الطيب و ندير عرس
كبير نعرض على الدوار كولو .
حسن :الله يوفقك أصاحبي،المهم العنوان ديالي راك عارفو، فين
ما تنزل للمدينة زورني و سول فيا، راه ما دوزناش قليل.
عمر : و حتى أنت حسن راك عارف البلاد ديالنا زورني مرة
مرة ،بدل الجو ديال المدينة .
حسن : تدوز بخير ...الله يوفقك
يتعانقا الأنتان و يتجه كل واحد منهما في اتجاه....
-مشهد33 -فناء منزل سالم –الصباح
يدخل عمر إلى منزله بالقرية فيجد والده سالم وأمه جالسين بفناء
المنزل ما إن يلمحانه حتى يقفا لاستقباله .
زهرة :الله وليدي عمر جا،ها فرحي وها سعدي)تعانقعمر وهي
تبكي( الله ياوليدي سخيتي بميمتك مشيتي وغبرتي ما بقيناش فيك ؟
عمر : )يقبل عمر يد أمه( أنا رجعت أمي سامحيني )يلتفت إلى والده
يعانقه( سامحني الوالد ،الحمد لله لي لقيتكم بخير.
سالم : على سلامتك أوليدي فين كنتي ؟
يجلس الجميع
عمر : ما خليت حتى بلاصة ،درت و جلت و دبا هاني جيت
زهرة : خليه يفطر بعدا تلقاه جيعان.
عمر : أيه الوليدة توحشت الطبيخ ديالك ،راه معدتي تقهرات
بماكلة ديال الح...)يطرق رأسه إلى الأرض ولا يتمم كلمته(
زهرة :)مستغربة( الماكلة ديالاش أوليدي؟
عمر : ) مبتسم( ديال الحانوت ألوليدة
زهرة : وخا ، أنا غادي نوجد ليك الفطور
تقوم زهرة وتذهب إلى المطبخ بينما يلتفت سالم إلى عمر
سالم :على سلامتك أعمر والله ما تصورش الفرحة ديالي دبا
مني شفتك.
عمر : الله يخليك الوالد،أشنو خبارالحاج صاحبك؟
سالم : )يطأطأ سالم رأسه( الدايم الله أوليدي ،الحاج الله يرحمو
ويوسع عليه .
عمر : )متفاجأ( الحاج الطيب مات!
سالم : أيه أوليدي... كلنا ليها غير الله يتم ما بقا لينا على خير
عمر :)يطأطا هو الأخر رأسه( الله يرحمها روح،كان راجل مزيان،
)يرفع رأسه بسرعة كمن تذكر شيئا( و رحمة مع من عايشة ؟.
سالم : )لحظات من التردد ثم يرفع رأسه( عايشة مع راجلها.
عمر : )صارخا( مع راجلها !.
سالم : أيه أوليدي، )ثوان من الصمت يلاعب فيها المسبحة بأصابعه (
تزوجات وعندها ولد عمرو تلت سنين.
عمر : ) تخرج من أعماقه زفرة حارقة ويقبض بيمناه على جبهته ثم يمررها على
رأسه إلى الخلف مبديا امتعاضا وسخطا ( شكون هاد بنادم لي تزوجات ؟.
الحلقة السابقة. مشهد 30-أمام غرفة نوم رحمة - الليل بعد ثلاثة شهور