سيناريو رحمة والمكتوب -الجزء 8-

الحلقة السابقة

انقر هنا لقراءة الخبر من مصدره.

مواضيع ذات صلة

سيناريو رحمة والمكتوب جزء 15

سيناريو رحمة والمكتوب -الجزء 9-

سيناريو رحمة والمكتوب-جزء6

الجزء الأخير من سيناريو رحمة والمكتوب

سيناريو رحمة والمكتوب-جزء7

-مشهد33 -فناء منزل سالم –الصباح
)تابع(
عمر :) مستغرب وبضغط شديد على مخارج الحروف مع قبط الحاجبين ( وشكون
هاد المكتوب ؟
سالم : واحد الشاب جابو الحاج الطيب هادي أربع سنين،
عاش معاه شي يامات و زوجو بنتو.
عمر : وعلاش ما تسنتني ،وفضلت عليا واحد غريب ؟
سالم :) يضع المسبحة جانبا ثم يضع يده على كتف عمر( ديها فصحتك أوليدي
،الى تزوجات رحمة راه عطا الله البنات ....
عمر : )مقاطعا( حتى وحدة ما تعمر ليا عيني بحال رحمة.
سالم : ) يرفع يده من على كتف عمر( كل واحد تاياخد لي مقسم ليه الله.
تقترب منهما زهرة حاملة صينية الأكل .
زهرة:) وهي تضع الصينية أمام عمر( زيد أوليدي تاكل.
عمر :)يقف عمر ويمر من فوق المائدة( شكون لي باقي ليه شي شهية
للماكلة ؟
زهرة : )مستغربة( مالك أوليدي؟
يخطو عمر خطوتين،ثم يشعل سيجارة وينفث غضبه مع دخانها.
زهرة : )تنظر إلى سالم باستغراب( مالو أش قلقو؟
سالم : )بهمس ( عرف بلي رحمة تزوجات
زهرة : )تعض على شفتها السفلى( أه ،)تشير بيدها بغضب( و مالك قلتيها ليه؟
خليه غير حتى يفطر ، باز على قلب عندك .
سالم :) يشير بيده بتذمر ( لي عطا لله هو هدا.
تقترب زهرة من عمر،و تضع يدها على كتفه بحنان محاولة تهدئته.
زهرة : بلا ما تقلق أوليدي.
عمر : )بلهجة حادة وضغط شديد على مخارج الحروف(غادي يكون غير
الحاج لي رغم عليها باش تزوج هاد المكتوب.
زهرة : )تشير بأصبعها نافية( لواه أوليدي الكدوب على الله حرام
حتى حد ما بزز عليها شي حاجة، تزوجتو بخاطرها .
عمر : )مستغرب( كيفاش زعما... دغيا نستني؟
زهرة : أنتما كنتو صغار ،و أنت و رحمة ما تواعدتو على والو.
ينفث عمر دخان سيجارته ،ثم يلقي بها على الأرض ويضغط عليها
بقوة.
عمر : )بلهجة هادئة كمن استسلم أخيرا لقدره( رحمة كانت الحلم ديالي
زهرة : زيد أوليدي تفطر، غادي يخلف ليك الله بأحسن منها .
يعود عمر ويجلس أمام مائدة الأكل ،بعده تجلس زهرة.
رحمة : )صوت خارجي وبصوت عال( خالتي زهرة على سلامة عمر.
زهرة : الله يسلمك أبنتي ...زيدي دخلي.
تدخل رحمة وهي تحمل طفلها بين يديها، فتلتقي نظراتها بعمر.
رحمة : )مبتسمة( على سلامتك أعمر
يرمقها عمر بنظرة غاضبة ولا يرد على تحيتها ،بل يكتفي بمسح
يديه بمنديل .
سالم : الله يسلمك أبنتي زيدي تفطري
تنظر زهرة إلى عمر نظرة عتاب لتصرفه الأجوف مع رحمة .
عمر : )يلقي المنديل جانبا( البركة فراسك من جهة الحاج الطيب.
رحمة : ما مشى معاك باس أخويا عمر.
سالم : )محاولا تغير الموضوع (فينا هو المكتوب؟
رحمة : مشى للبلاد كيف العادة
يقف عمر،ويرفع رأسه إلى الأعلى ويضع يديه في جيب سترته.
عمر : أنا خارج ،تدوزو بخير هاد الساعة.
سالم : )وهو يقف( بلاتي نمشي معاك ...
يخرج سالم وابنه
رحمة : مال عمر شفتو بحال إلى مقلق؟
زهرة : ما تديريش فبالك ،قولي ليا أش كا تعاودي؟
رحمة : كولشي لاباس أخالتي
زهرة : )تمسك الطفل بين يديها( أجي الزين ديالي ،توحشتي جدااك
وجيتي تشوفها ،أه ولا جيتي تشوف خالك لي جا؟
- مشهد34 - أرض ح الطيب -الصباح
يصل سالم وعمر إلى أرض المكتوب،فيجداه منهمكا في الحرث
سالم :المكتوب صباح الخير
يقترب منهما
المكتوب : )ينظر إلى عمر باستغراب ( صباح الخير سي سالم
سالم : )يضع يده على كتف عمر( هذا ولدي عمر، جا هاد الصباح من
المدينة
يفرح المكتوب ويقترب لمعانقته،و لكن عمر يصده بيده وينظر
إليه بحقد.
المكتوب : )يتراجع إلى الوراء( على سلامتك اعمر
يبقى عمر ساكتا ،وينظر إلى المكتوب باشمئزاز.
سالم : ) نيابة عن عمر( الله يسلمك اوليدي،شوف ملي تسالي
ها حنا فالدار و بسلامة دبا .
المكتوب: وخا سي سالم مورا صلاة المغرب ندوز نشوفكم.
ينفث عمر دخان سيجارته في وجه المكتوب ويلقي بها ناحيته .
سالم : )وهو يسحب عمر(المكتوب تبقى على خير
- مشهد35 - القرية -قبل الظهر
يتوقف سالم في الطريق المؤدي إلى المنزل وينظر إلى ابنه غاضبا
سالم :مازال الضسارة مابغات تفارقك، مالك على هاد التصرف
،اشنو غادي يقول دابا السيد ،ماعرفناش نربيوك؟.
عمر : )يشعل عمر سيجارة أخرى ( كيف بغيتيني نتعامل معاه ،وهو
حرمني من رحمة لي كانت الحلم ديالي من صغري وعلى قبلها
رجعت لهاد للدوار ديال النحس.
سالم : سنين كلها وأنت غابر يالله بانت ليك رحمة ؟
عمر : ) صارخا( كنت فالحبس
سالم :) مندهش ( الحبس!
عمر : ) بهدوء ( ايه الحبس) يلتفت إلى الجهة الأخرى( خمس سنين كل
نهار تانتمنى نرجع و نلقى رحمة تاتسنني ،ملي نجي نلقها طيرها
هاد المكتوب ولا المزغوب، تفوا على زهر...
سالم : )مقاطعا( أنت عينيك فرحمة ولا ارض رحمة؟
عمر : ) ينظر إلى والده ويصرخ (بحال بحال ،رحمة وأرضها دياولي
ومنسمحش لشي واحد ياخدهم مني.
سالم: الله لي تيعطي اوليدي، حتى انت راه عندك بلادك خدمها،
دير اديك فيد المكتوب وتعاونو بيناتكم .....
عمر : )يقاطعه ويصرخ عاليا ( اسيدي ماغادي ندير ايدي فيد احد،
أنا يدي غادي نديرها فعنقو و مانطلقو حتى تزهق روحو.
يبتعد عمر تاركا سالم ينظر إليه الحسرة والألم يملان وجهه.
- مشهد36 - منزل سالم - الليل
امتلأ منزل سالم بمجموعة من الضيوف الدين جاءوا للسلام على
عمر، فكان المكتوب يتبادل الحديث مع سالم ،يراقبه عمر والغيط