زجل : لفساد هنا دق وتادو / أمينة بنونة

الجهل والأمية على كل شكال
ولفقر مفرخ ب ولادو
تغيير الحال اصبح موحال
ولفساد هنا دق وتادو
مادام الصوت يتباع بالمال
اصحاب الشكارة هما اسيادو
فين الضمير فين لعقال
ولا هزو راسهوم زادو
وآش لمدينة ما فيها رجال
ولا رجالها ماتو وبادو
اللي سكتو راضيين ب لجهال
هوما الحكام هوما سادو
ياخسارة وعار ف هاذ البلاد
سكانها يتبعول لجهال
فين تاريخنا وفين لجهاد
فين الصمود فين النضال
من حقنا ليوم نشهرو لحداد
ونسكتو م لقيل ولقال
الأمية تمكنت من العباد
واللي قاري شد الرحال
هاذ لمدينة حالها يبكي
شبابها عاطل ومتكي
التهميش ولهشاشة بلا تعليل
والسيبة فيها نهار وليل
شحال من واحد فيها يخرب
يقيل يشرق ويغرب
السياسة نقاش وتحليل
وسديد الرأي ليه التفضيل
اللي يخلي لعدو ليه يميل
ماهياشي سب وتنكيل
فات الفوت وبان البرهان
أمالنا يغيرهم الزمان
ياخسارة ومابقا مايتقال