عاجل.. لوباريزيان : حكيمي متاهم فقضية اغتصاب.. بنت عندها 23 عام ديكلارات ان اللعاب المغربي اغتاصبها فدارو

كشفت صحيفة "لوباريزيان" الفرنسية أن لاعب فريق باري سان جيرمان اشرف حكيمي متهم فقضية اغتصاب، ومكتب المدعي العام بدا التحقيق فالأمر.
وحسبما ذكرت الصحيفة الفرنسية، فجات بنت لمركز الشرطة فبلدية نوجينت سور مارن، وقالت للبوليس أنها تعرضات للاغتصاب من طرف المغربي اشرف حكيمي.
وقالت الضحية المزعومة، اللي فعمرها 23 عام انها مابغاتش تقدم شكوى قضائية، ولكن مكتب المدعي العام فكريتيل قرر ياخد القضية قبل إحالتها إلى المختصين فنانتير.
وأفادت الصحيفة بأن المحققين خدامين دابا على الملف اللي تم تجميعو على أساس أقوال المشكتية، واللي مازال ماسمعات ليها دائرة التحقيق.
وفصلات "Le Parisien" شنو وقع، وقالت ان كولشي بدا بكونفيرساسيون ف 16 يناير اللي فات، بين حكيمي والبنت فانستگرام.
ومشات البنت عندو نهار السبت 25 فبراير لدارو، فبولوني، فأوبر طلبو ليها حكيمي.
وقالت البنت ان الأمور خرجات عن السيطرة فدار اللعاب، وزعمت ان الدولي المغربي تعدا عليها جنسيا واخا الاحتجاجات ديالها.
وقدرات البنت، حسب قولها، تفلت منو ودفعاتو برجليها، قبل ما تصيفط ميساج لصاحبتها باش تجي موراها.
وكان حكيمي غاب على ماتش باري سان جيرمان ومارسيليا فالدوري الفرنسي، حيت عندو اصابة.
وقالت الصحيفة ان حكيمي كان بوحدو فالدار نهار وقع هادشي، حيت هبة ابوك وولادهم كانو عطلة فدبي.
https://www.leparisien.fr/paris-75/psg-achraf-hakimi-vise-par-une-enquete-pour-viol-27-02-2023-EBER5E5DGFB6BN253XDKKZFD3Y.php?fbclid=IwAR1sk-OR2FseRLShLj87JQRA3CYEbQuv1leJdeaPFrhvlwUXiak-xQITqHs&mibextid=5zvaxg